| 1 | MTבעת ההוא אמר יהוה אלי פסל לך שׁני לוחת אבנים כראשׁנים ועלה אלי ההרה ועשׂית לך ארון עץ |
| SPבעת ההיא אמר יהוה אלי פסל לך שׁני לוחת אבנים כראישׁונים ועלה אלי ההרה ועשׂית לך ארון עץ | |
| 2 | MTואכתב על הלחת את הדברים אשׁר היו על הלחת הראשׁנים אשׁר שׁברת ושׂמתם בארון |
| SPואכתבה על הלוחות את הדברים אשׁר היו על הלוחות הראישׁונים אשׁר שׁברת ושׂמתם בארון | |
| 3 | MTואעשׂ ארון עצי שׁטים ואפסל שׁני לחת אבנים כראשׁנים ואעל ההרה ושׁני הלחת בידי |
| SPואעשׂה ארון עצי שׁטים ואפסלה שׁני לוחת אבנים כראישׁונים ואעלה ההרה ושׁני הלוחות בידי | |
| 4 | MTויכתב על הלחת כמכתב הראשׁון את עשׂרת הדברים אשׁר דבר יהוה אליכם בהר מתוך האשׁ ביום הקהל ויתנם יהוה אלי |
| SPויכתב על הלוחות כמכתב הראישׁון את עשׂרת הדברים אשׁר דבר יהוה עליכם בהר מתוך האשׁ ביום הקהל ויתנם יהוה אלי | |
| 5 | MTואפן וארד מן ההר ואשׂם את הלחת בארון אשׁר עשׂיתי ויהיו שׁם כאשׁר צוני יהוה |
| SPואפנה וארדה מן ההר ואשׂימה את הלוחות בארון אשׁר עשׂיתי ויהיו שׁם כאשׁר צוני יהוה | |
| 6 | MTובני ישׂראל נסעו מבארת בני יעקן מוסרה שׁם מת אהרן ויקבר שׁם ויכהן אלעזר בנו תחתיו |
| SPובני ישׂראל נסעו ממסרות ויחנו בבני יעקן | |
| 7 | MTמשׁם נסעו הגדגדה ומן הגדגדה יטבתה ארץ נחלי מים |
| SPמשׁם נסעו ויחנו הגדגדה משׁם נסעו ויחנו ביטבתה ארץ נחלי מים משׁם נסעו ויחנו בעברנה משׁם נסעו ויחנו בעציונ גבר משׁם נסעו ויחנו במדבר צן היא קדשׁ משׁם נסעו ויחנו בהר ההר וימת שׁם אהרן ויקבר שׁם ויכהן אלעזר בנו תחתיו | |
| 8 | MTבעת ההוא הבדיל יהוה את שׁבט הלוי לשׂאת את ארון ברית יהוה לעמד לפני יהוה לשׁרתו ולברך בשׁמו עד היום הזה |
| SPבעת ההיא הבדיל יהוה את שׁבט הלוי לשׂאת את ארון ברית יהוה לעמד לפני יהוה לשׁרתו ולברך בשׁמו עד היום הזה | |
| 9 | MTעל כן לא היה ללוי חלק ונחלה עם אחיו יהוה הוא נחלתו כאשׁר דבר יהוה אלהיך לו |
| SPעל כן לא היה ללוי חלק ונחלה עם אחיו יהוה הוא נחלתו כאשׁר דבר יהוה אלהיך לו | |
| 10 | MTואנכי עמדתי בהר כימים הראשׁנים ארבעים יום וארבעים לילה וישׁמע יהוה אלי גם בפעם ההוא לא אבה יהוה השׁחיתך |
| SPואנכי עמדתי בהר כימים הראישׁונים ארבעים יום וארבעים לילה וישׁמע יהוה אלי גם בפעם ההוא ולא אבה יהוה השׁחיתך | |
| 11 | MTויאמר יהוה אלי קום לך למסע לפני העם ויבאו וירשׁו את הארץ אשׁר נשׁבעתי לאבתם לתת להם |
| SPויאמר יהוה אלי קום לך למסע לפני העם הזה ויבאו ויירשׁו את הארץ אשׁר נשׁבעתי לאבותם לתת להם | |
| 12 | MTועתה ישׂראל מה יהוה אלהיך שׁאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשׁך |
| SPועתה ישׂראל מה יהוה אלהיך שׁאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשׁך | |
| 13 | MTלשׁמר את מצות יהוה ואת חקתיו אשׁר אנכי מצוך היום לטוב לך |
| SPולשׁמר את מצות יהוה אלהיך ואת חקתיו אשׁר אנכי מצוך היום לטוב לך | |
| 14 | MTהן ליהוה אלהיך השׁמים ושׁמי השׁמים הארץ וכל אשׁר בה |
| SPהן ליהוה אלהיך השׁמים ושׁמי השׁמים הארץ וכל אשׁר בה | |
| 15 | MTרק באבתיך חשׁק יהוה לאהבה אותם ויבחר בזרעם אחריהם בכם מכל העמים כיום הזה |
| SPרק באבתיך חשׁק יהוה לאהבה אתם ויבחר בזרעם אחריהם בכם מכל העמים כיום הזה | |
| 16 | MTומלתם את ערלת לבבכם וערפכם לא תקשׁו עוד |
| SPומלתם את ערלת לבבכם וערפכם לא תקשׁו עוד | |
| 17 | MTכי יהוה אלהיכם הוא אלהי האלהים ואדני האדנים האל הגדל הגבר והנורא אשׁר לא ישׂא פנים ולא יקח שׁחד |
| SPכי יהוה אלהיכם הוא אלהי האלהים ואדון האדונים האל הגדול והגיבור והנורא אשׁר לא ישׂא פנים ולא יקח שׁחד | |
| 18 | MTעשׂה משׁפט יתום ואלמנה ואהב גר לתת לו לחם ושׂמלה |
| SPעשׂה משׁפט יתום ואלמנה ואהב גר לתת לו לחם ושׂמלה | |
| 19 | MTואהבתם את הגר כי גרים הייתם בארץ מצרים |
| SPואהבתם את הגר כי גרים הייתם בארץ מצרים | |
| 20 | MTאת יהוה אלהיך תירא אתו תעבד ובו תדבק ובשׁמו תשׁבע |
| SPאת יהוה אלהיך תירא ואתו תעבד ובו תדבק ובשׁמו תשׁבע | |
| 21 | MTהוא תהלתך והוא אלהיך אשׁר עשׂה אתך את הגדלת ואת הנוראת האלה אשׁר ראו עיניך |
| SPהוא תהלתך והוא אלהיך אשׁר עשׂה אתך את הגדלות ואת הנוראות האלה אשׁר ראו עיניך | |
| 22 | MTבשׁבעים נפשׁ ירדו אבתיך מצרימה ועתה שׂמך יהוה אלהיך ככוכבי השׁמים לרב |
| SPבשׁבעים נפשׁ ירדו אבתיך מצרימה ועתה שׂמך יהוה אלהיך ככוכבי השׁמים לרב |