| 1 | MTכל המצוה אשׁר אנכי מצוך היום תשׁמרון לעשׂות למען תחיון ורביתם ובאתם וירשׁתם את הארץ אשׁר נשׁבע יהוה לאבתיכם |
| SPכל המצוה אשׁר אנכי מצוך היום תשׁמרון לעשׂות למען תחיון ורביתם ובאתם וירשׁתם את הארץ אשׁר נשׁבע יהוה לאבתיכם | |
| 2 | MTוזכרת את כל הדרך אשׁר הליכך יהוה אלהיך זה ארבעים שׁנה במדבר למען ענתך לנסתך לדעת את אשׁר בלבבך התשׁמר מצותו אם לא |
| SPוזכרת את כל הדרך אשׁר הוליכך יהוה אלהיך זה ארבעים שׁנה במדבר למען ענותך לנסותך לדעת אשׁר בלבבך התשׁמר מצותיו אם לא | |
| 3 | MTויענך וירעבך ויאכלך את המן אשׁר לא ידעת ולא ידעון אבתיך למען הודעך כי לא על הלחם לבדו יחיה האדם כי על כל מוצא פי יהוה יחיה האדם |
| SPויענך וירעבך ויאכילך את המן אשׁר לא ידעת ולא ידעו אבתיך למען הודיעך כי לא על הלחם לבדו יחיה האדם כי על כל מוצא פי יהוה יחיה האדם | |
| 4 | MTשׂמלתך לא בלתה מעליך ורגלך לא בצקה זה ארבעים שׁנה |
| SPשׂמלתך לא בלתה מעליך ורגליך לא בצקה זה ארבעים שׁנה | |
| 5 | MTוידעת עם לבבך כי כאשׁר ייסר אישׁ את בנו יהוה אלהיך מיסרך |
| SPוידעת עם לבבך כי כאשׁר ייסר אישׁ את בנו יהוה אלהיך מיסרך | |
| 6 | MTושׁמרת את מצות יהוה אלהיך ללכת בדרכיו וליראה אתו |
| SPושׁמרת את מצות יהוה אלהיך ללכת בדרכיו וליראה אתו | |
| 7 | MTכי יהוה אלהיך מביאך אל ארץ טובה ארץ נחלי מים עינת ותהמת יצאים בבקעה ובהר |
| SPכי יהוה אלהיך מביאך אל ארץ טובה ורחבה ארץ נחלי מים עינות תהומות יצאים בבקעה ובהר | |
| 8 | MTארץ חטה ושׂערה וגפן ותאנה ורמון ארץ זית שׁמן ודבשׁ |
| SPארץ חטה ושׂערה גפן תאנה ורמון ארץ זית שׁמן ודבשׁ | |
| 9 | MTארץ אשׁר לא במסכנת תאכל בה לחם לא תחסר כל בה ארץ אשׁר אבניה ברזל ומהרריה תחצב נחשׁת |
| SPארץ אשׁר לא במסכנת תאכל בה לחם לא תחסר כל בה ארץ אשׁר אבניה ברזל ומהרריה תחצב נחשׁת | |
| 10 | MTואכלת ושׂבעת וברכת את יהוה אלהיך על הארץ הטבה אשׁר נתן לך |
| SPואכלת ושׂבעת וברכת את יהוה אלהיך על הארץ הטובה אשׁר נתן לך | |
| 11 | MTהשׁמר לך פן תשׁכח את יהוה אלהיך לבלתי שׁמר מצותיו ומשׁפטיו וחקתיו אשׁר אנכי מצוך היום |
| SPהשׁמר לך פן תשׁכח את יהוה אלהיך לבלתי שׁמר מצותיו ומשׁפטיו וחקתיו אשׁר אנכי מצוך היום | |
| 12 | MTפן תאכל ושׂבעת ובתים טובים תבנה וישׁבת |
| SPפן תאכל ושׂבעת ובתים טובים תבנה וישׁבת | |
| 13 | MTובקרך וצאנך ירבין וכסף וזהב ירבה לך וכל אשׁר לך ירבה |
| SPובקרך וצאנך ירבון וכסף וזהב ירבה לך וכל אשׁר לך ירבה | |
| 14 | MTורם לבבך ושׁכחת את יהוה אלהיך המוציאך מארץ מצרים מבית עבדים |
| SPורם לבבך ושׁכחת את יהוה אלהיך המוציאך מארץ מצרים מבית עבדים | |
| 15 | MTהמוליכך במדבר הגדל והנורא נחשׁ שׂרף ועקרב וצמאון אשׁר אין מים המוציא לך מים מצור החלמישׁ |
| SPהמוליכך במדבר הגדול והנורא נחשׁ שׂרוף עקרב וצמאון אשׁר אין מים המוצא לך מים מצור החלמישׁ | |
| 16 | MTהמאכלך מן במדבר אשׁר לא ידעון אבתיך למען ענתך ולמען נסתך להיטבך באחריתך |
| SPהמאכילך מן במדבר אשׁר לא ידעו אבתיך למען ענותך ולמען נסותך להטיבך באחריתך | |
| 17 | MTואמרת בלבבך כחי ועצם ידי עשׂה לי את החיל הזה |
| SPואמרת בלבבך כחי ועצם ידי עשׂה לי את החיל הזה | |
| 18 | MTוזכרת את יהוה אלהיך כי הוא הנתן לך כח לעשׂות חיל למען הקים את בריתו אשׁר נשׁבע לאבתיך כיום הזה |
| SPוזכרת את יהוה אלהיך כי הוא הנתן לך כח לעשׂות חיל ולמען הקים את בריתו אשׁר נשׁבע לאבתיך לאברהם ליצחק וליעקב כיום הזה | |
| 19 | MTוהיה אם שׁכח תשׁכח את יהוה אלהיך והלכת אחרי אלהים אחרים ועבדתם והשׁתחוית להם העדתי בכם היום כי אבד תאבדון |
| SPוהיה אם שׁכח תשׁכח את יהוה אלהיך והלכת אחרי אלהים אחרים ועבדתם והשׁתחוית להם העדתי בכם היום כי אבד תאבדון | |
| 20 | MTכגוים אשׁר יהוה מאביד מפניכם כן תאבדון עקב לא תשׁמעון בקול יהוה אלהיכם |
| SPכגוים אשׁר יהוה מאבד מפניכם כן תאבדון עקב לא תשׁמעון בקול יהוה אלהיכם |