| 1 | MTכי יביאך יהוה אלהיך אל הארץ אשׁר אתה בא שׁמה לרשׁתה ונשׁל גוים רבים מפניך החתי והגרגשׁי והאמרי והכנעני והפרזי והחוי והיבוסי שׁבעה גוים רבים ועצומים ממך |
| SPכי יביאך יהוה אלהיך אל הארץ אשׁר אתה בא שׁמה לרשׁתה ונשׁל גוים רבים מפניך החתי והגרגשׁי והאמרי והכנעני והפרזי והחוי והיבוסי שׁבעה גוים רבים ועצמים ממך | |
| 2 | MTונתנם יהוה אלהיך לפניך והכיתם החרם תחרים אתם לא תכרת להם ברית ולא תחנם |
| SPונתנם יהוה אלהיך לפניך והכיתם החרים תחרים אתם לא תכרת להם ברית ולא תחנם | |
| 3 | MTולא תתחתן בם בתך לא תתן לבנו ובתו לא תקח לבנך |
| SPולא תתחתן בם בתך לא תתן לבנו ובתו לא תקח לבנך | |
| 4 | MTכי יסיר את בנך מאחרי ועבדו אלהים אחרים וחרה אף יהוה בכם והשׁמידך מהר |
| SPכי יסיר את בנך מאחרי ועבד אלהים אחרים וחרה אף יהוה בכם והשׁמידך מהר | |
| 5 | MTכי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ |
| SPכי אם כה תעשׂה להם מזבחתיהם תתצון ומצבתיהם תשׁברון ואשׁריהם תגדעון ופסיליהם תשׂרפון באשׁ | |
| 6 | MTכי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה |
| SPכי עם קדשׁ אתה ליהוה אלהיך ובך בחר יהוה אלהיך להיות לו לעם סגלה מכל העמים אשׁר על פני האדמה | |
| 7 | MTלא מרבכם מכל העמים חשׁק יהוה בכם ויבחר בכם כי אתם המעט מכל העמים |
| SPלא מרבכם מכל העמים חשׁק יהוה בכם ויבחר בכם כי אתם המעט מכל העמים | |
| 8 | MTכי מאהבת יהוה אתכם ומשׁמרו את השׁבעה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים |
| SPכי מאהבת יהוה אתכם ומשׁמרו את השׁבועה אשׁר נשׁבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים | |
| 9 | MTוידעת כי יהוה אלהיך הוא האלהים האל הנאמן שׁמר הברית והחסד לאהביו ולשׁמרי מצותו לאלף דור |
| SPוידעת כי יהוה אלהיך הוא האלהים האל הנאמן שׁמר הברית והחסד לאהביו ולשׁמרי מצותיו לאלף דור | |
| 10 | MTומשׁלם לשׂנאיו אל פניו להאבידו לא יאחר לשׂנאו אל פניו ישׁלם לו |
| SPומשׁלם לשׂנאיו על פניו להאבידו לא יאחר לשׂנאיו על פניו ישׁלם לו | |
| 11 | MTושׁמרת את המצוה ואת החקים ואת המשׁפטים אשׁר אנכי מצוך היום לעשׂותם |
| SPושׁמרת את המצוה את החקים ואת המשׁפטים אשׁר אנכי מצוך היום לעשׂותם | |
| 12 | MTוהיה עקב תשׁמעון את המשׁפטים האלה ושׁמרתם ועשׂיתם אתם ושׁמר יהוה אלהיך לך את הברית ואת החסד אשׁר נשׁבע לאבתיך |
| SPוהיה עקב תשׁמעון את המשׁפטים האלה ושׁמרתם ועשׂיתם אתם ושׁמר יהוה אלהיך לך את הברית ואת החסד אשׁר נשׁבע לאבתיך | |
| 13 | MTואהבך וברכך והרבך וברך פרי בטנך ופרי אדמתך דגנך ותירשׁך ויצהרך שׁגר אלפיך ועשׁתרת צאנך על האדמה אשׁר נשׁבע לאבתיך לתת לך |
| SPואהבך וברכך והרבך וברך פרי בטנך ופרי אדמתך דגנך תירשׁך ויצהרך שׁגר אלפיך ועשׁתרות צאנך על האדמה אשׁר נשׁבע יהוה לאבתיך לתת לך | |
| 14 | MTברוך תהיה מכל העמים לא יהיה בך עקר ועקרה ובבהמתך |
| SPברוך תהיה מכל העמים לא יהיה בך עקר ועקרה ובבהמתך | |
| 15 | MTוהסיר יהוה ממך כל חלי וכל מדוי מצרים הרעים אשׁר ידעת לא ישׂימם בך ונתנם בכל שׂנאיך |
| SPוהסיר יהוה ממך כל חלי וכל מדוי מצרים הרעים אשׁר ידעת לא ישׂימם בך ונתנם בכל שׂנאיך | |
| 16 | MTואכלת את כל העמים אשׁר יהוה אלהיך נתן לך לא תחס עינך עליהם ולא תעבד את אלהיהם כי מוקשׁ הוא לך |
| SPואכלת את כל העמים אשׁר יהוה אלהיך נתן לך לא תחוס עינך עליהם ולא תעבד את אלהיהם כי מוקשׁ הוא לך | |
| 17 | MTכי תאמר בלבבך רבים הגוים האלה ממני איכה אוכל להורישׁם |
| SPכי תאמר בלבבך רבים הגוים האלה ממני איך אוכל להורישׁם | |
| 18 | MTלא תירא מהם זכר תזכר את אשׁר עשׂה יהוה אלהיך לפרעה ולכל מצרים |
| SPלא תירא מהם זכר תזכר את אשׁר עשׂה יהוה אלהיך לפרעה ולכל מצרים | |
| 19 | MTהמסת הגדלת אשׁר ראו עיניך והאתת והמפתים והיד החזקה והזרע הנטויה אשׁר הוצאך יהוה אלהיך כן יעשׂה יהוה אלהיך לכל העמים אשׁר אתה ירא מפניהם |
| SPהמסות הגדלות אשׁר ראו עיניך האתות והמופתים והיד החזקה והזרוע הנטויה אשׁר הוציאך יהוה אלהיך כן יעשׂה יהוה אלהיך לכל העמים אשׁר אתה ירא מפניהם | |
| 20 | MTוגם את הצרעה ישׁלח יהוה אלהיך בם עד אבד הנשׁארים והנסתרים מפניך |
| SPוגם את הצרעה ישׁלח יהוה אלהיך בם עד אבד הנשׁארים והנסתרים מפניך | |
| 21 | MTלא תערץ מפניהם כי יהוה אלהיך בקרבך אל גדול ונורא |
| SPלא תערץ מפניהם כי יהוה אלהיך בקרבך אל גדול ונורא | |
| 22 | MTונשׁל יהוה אלהיך את הגוים האל מפניך מעט מעט לא תוכל כלתם מהר פן תרבה עליך חית השׂדה |
| SPונשׁל יהוה אלהיך את הגוים האלה מלפניך מעט מעט לא תוכל כלותם מהר פן תרבה עליך חית השׂדה | |
| 23 | MTונתנם יהוה אלהיך לפניך והמם מהומה גדלה עד השׁמדם |
| SPונתנם יהוה אלהיך לפניך והמם מהמה גדלה עד השׁמידם | |
| 24 | MTונתן מלכיהם בידך והאבדת את שׁמם מתחת השׁמים לא יתיצב אישׁ בפניך עד השׁמדך אתם |
| SPונתן מלכיהם בידך ואבדת את שׁמם מתחת השׁמים לא יתיצב אישׁ לפניך עד השׁמידך אתם | |
| 25 | MTפסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא |
| SPפסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא | |
| 26 | MTולא תביא תועבה אל ביתך והיית חרם כמהו שׁקץ תשׁקצנו ותעב תתעבנו כי חרם הוא |
| SPולא תביא תועבה אל ביתך והיית חרם כמהו שׁקץ תשׁקצנו ותעב תתעבנו כי חרם הוא |