| 1 | MTוזאת המצוה החקים והמשׁפטים אשׁר צוה יהוה אלהיכם ללמד אתכם לעשׂות בארץ אשׁר אתם עברים שׁמה לרשׁתה |
| SPוזאת המצוה החקים והמשׁפטים אשׁר צוה יהוה אלהיכם ללמד אתכם לעשׂות בארץ אשׁר אתם עברים שׁמה לרשׁתה | |
| 2 | MTלמען תירא את יהוה אלהיך לשׁמר את כל חקתיו ומצותיו אשׁר אנכי מצוך אתה ובנך ובן בנך כל ימי חייך ולמען יארכן ימיך |
| SPלמען תירא את יהוה אלהיך לשׁמר את כל חקיו ומצותיו אשׁר אנכי מצוך היום אתה ובנך ובן בנך כל ימי חייך ולמען יאריכון ימיך | |
| 3 | MTושׁמעת ישׂראל ושׁמרת לעשׂות אשׁר ייטב לך ואשׁר תרבון מאד כאשׁר דבר יהוה אלהי אבתיך לך ארץ זבת חלב ודבשׁ |
| SPושׁמעת ישׂראל ושׁמרת לעשׂות אשׁר ייטב לך ואשׁר תרבה מאד כאשׁר דבר יהוה אלהי אבתיך לך ארץ זבת חלב ודבשׁ | |
| 4 | MTשׁמע ישׂראל יהוה אלהינו יהוה אחד |
| SPשׁמע ישׂראל יהוה אלהינו יהוה אחד | |
| 5 | MTואהבת את יהוה אלהיך בכל לבבך ובכל נפשׁך ובכל מאדך |
| SPואהבת את יהוה אלהיך בכל לבבך ובכל נפשׁך ובכל מאדך | |
| 6 | MTוהיו הדברים האלה אשׁר אנכי מצוך היום על לבבך |
| SPוהיו הדברים האלה אשׁר אנכי מצוך היום על לבבך | |
| 7 | MTושׁננתם לבניך ודברת בם בשׁבתך בביתך ובלכתך בדרך ובשׁכבך ובקומך |
| SPושׁננתם לבניך ודברת בם בשׁבתך בבית בלכתך בדרך בשׁכבך ובקומך | |
| 8 | MTוקשׁרתם לאות על ידך והיו לטטפת בין עיניך |
| SPוקשׁרתם לאות על ידיך והיו לטטפות בין עיניך | |
| 9 | MTוכתבתם על מזוזת ביתך ובשׁעריך |
| SPוכתבתם על מזזות בתיך ובשׁעריך | |
| 10 | MTוהיה כי יביאך יהוה אלהיך אל הארץ אשׁר נשׁבע לאבתיך לאברהם ליצחק וליעקב לתת לך ערים גדלת וטבת אשׁר לא בנית |
| SPוהיה כי יביאך יהוה אלהיך אל הארץ אשׁר נשׁבע לאבתיך לאברהם ליצחק וליעקב לתת לך ערים גדלות וטובות אשׁר לא בנית | |
| 11 | MTובתים מלאים כל טוב אשׁר לא מלאת וברת חצובים אשׁר לא חצבת כרמים וזיתים אשׁר לא נטעת ואכלת ושׂבעת |
| SPבתים מלאים כל טוב אשׁר לא מלאת בורות חצובים אשׁר לא חצבת כרמים וזיתים אשׁר לא נטעת ואכלת ושׂבעת | |
| 12 | MTהשׁמר לך פן תשׁכח את יהוה אשׁר הוציאך מארץ מצרים מבית עבדים |
| SPהשׁמר לך פן תשׁכח את יהוה אלהיך אשׁר הוציאך מארץ מצרים מבית עבדים | |
| 13 | MTאת יהוה אלהיך תירא ואתו תעבד ובשׁמו תשׁבע |
| SPאת יהוה אלהיך תירא ואתו תעבד ובשׁמו תשׁבע | |
| 14 | MTלא תלכון אחרי אלהים אחרים מאלהי העמים אשׁר סביבותיכם |
| SPלא תלכו אחרי אלהים אחרים מאלהי העמים אשׁר סביבתיכם | |
| 15 | MTכי אל קנא יהוה אלהיך בקרבך פן יחרה אף יהוה אלהיך בך והשׁמידך מעל פני האדמה |
| SPכי אל קנא יהוה אלהיך בקרבך פן יחר אף יהוה אלהיך בך והשׁמידך מעל פני האדמה | |
| 16 | MTלא תנסו את יהוה אלהיכם כאשׁר נסיתם במסה |
| SPלא תנסו את יהוה אלהיכם כאשׁר נסיתם במסה | |
| 17 | MTשׁמור תשׁמרון את מצות יהוה אלהיכם ועדתיו וחקיו אשׁר צוך |
| SPשׁמר תשׁמרון את מצות יהוה אלהיכם ועדתיו וחקיו אשׁר צוך | |
| 18 | MTועשׂית הישׁר והטוב בעיני יהוה למען ייטב לך ובאת וירשׁת את הארץ הטבה אשׁר נשׁבע יהוה לאבתיך |
| SPועשׂית הישׁר והטוב בעיני יהוה אלהיך למען ייטב לך ובאת וירשׁת את הארץ הטובה אשׁר נשׁבע יהוה לאבתיך | |
| 19 | MTלהדף את כל איביך מפניך כאשׁר דבר יהוה |
| SPלהדיף את כל איביך מפניך כאשׁר דבר יהוה | |
| 20 | MTכי ישׁאלך בנך מחר לאמר מה העדת והחקים והמשׁפטים אשׁר צוה יהוה אלהינו אתכם |
| SPוהיה כי ישׁאלך בנך מחר לאמר מה העדות החקים והמשׁפטים אשׁר צוה יהוה אלהינו אתכם | |
| 21 | MTואמרת לבנך עבדים היינו לפרעה במצרים ויוציאנו יהוה ממצרים ביד חזקה |
| SPואמרת לבנך עבדים היינו לפרעה במצרים ויוציאנו יהוה ממצרים ביד חזקה | |
| 22 | MTויתן יהוה אותת ומפתים גדלים ורעים במצרים בפרעה ובכל ביתו לעינינו |
| SPויתן יהוה אתות ומופתים גדלים ורעים במצרים בפרעה ובכל ביתו לעינינו | |
| 23 | MTואותנו הוציא משׁם למען הביא אתנו לתת לנו את הארץ אשׁר נשׁבע לאבתינו |
| SPואתנו הוציא משׁם למען הביא אתנו לתת לנו את הארץ אשׁר נשׁבע יהוה לאבתינו | |
| 24 | MTויצונו יהוה לעשׂות את כל החקים האלה ליראה את יהוה אלהינו לטוב לנו כל הימים לחיתנו כהיום הזה |
| SPויצונו יהוה לעשׂות את כל החקים האלה ליראה את יהוה אלהינו לטוב לנו כל הימים ולהחיותנו כיום הזה | |
| 25 | MTוצדקה תהיה לנו כי נשׁמר לעשׂות את כל המצוה הזאת לפני יהוה אלהינו כאשׁר צונו |
| SPוצדקה תהיה לנו כי נשׁמר לעשׂות את כל המצוה הזאת לפני יהוה אלהינו כאשׁר צונו |