| 1 | MTויקרא משׁה אל כל ישׂראל ויאמר אלהם שׁמע ישׂראל את החקים ואת המשׁפטים אשׁר אנכי דבר באזניכם היום ולמדתם אתם ושׁמרתם לעשׂתם |
| SPויקרא משׁה אל כל ישׂראל ויאמר אליהם שׁמע ישׂראל את החקים ואת המשׁפטים אשׁר אנכי דבר באזניכם היום ולמדתם אתם ושׁמרתם לעשׂותם | |
| 2 | MTיהוה אלהינו כרת עמנו ברית בחרב |
| SPיהוה אלהינו כרת עמנו ברית בחורב | |
| 3 | MTלא את אבתינו כרת יהוה את הברית הזאת כי אתנו אנחנו אלה פה היום כלנו חיים |
| SPלא את אבתינו כרת יהוה את הברית הזאת כי אתנו אנחנו אלה פה היום כלנו חיים | |
| 4 | MTפנים בפנים דבר יהוה עמכם בהר מתוך האשׁ |
| SPפנים בפנים דבר יהוה עמכם בהר מתוך האשׁ | |
| 5 | MTאנכי עמד בין יהוה וביניכם בעת ההוא להגיד לכם את דבר יהוה כי יראתם מפני האשׁ ולא עליתם בהר לאמר |
| SPואנכי עמד בין יהוה ובינכם בעת ההיא להגיד לכם את דברי יהוה כי יראתם מפני האשׁ ולא עליתם בהר לאמר | |
| 6 | MTאנכי יהוה אלהיך אשׁר הוצאתיך מארץ מצרים מבית עבדים |
| SPאנכי יהוה אלהיך אשׁר הוצאתיך מארץ מצרים מבית עבדים | |
| 7 | MTלא יהיה לך אלהים אחרים על פני |
| SPלא יהיה לך אלהים אחרים על פני | |
| 8 | MTלא תעשׂה לך פסל כל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ |
| SPלא תעשׂה לך פסל וכל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ | |
| 9 | MTלא תשׁתחוה להם ולא תעבדם כי אנכי יהוה אלהיך אל קנא פקד עון אבות על בנים ועל שׁלשׁים ועל רבעים לשׂנאי |
| SPלא תשׁתחוה להם ולא תעבדם כי אנכי יהוה אלהיך אל קנא פקד עון אבות על בנים על שׁלישׁים ועל רביעים לשׂנאי | |
| 10 | MTועשׂה חסד לאלפים לאהבי ולשׁמרי מצותו |
| SPועשׂה חסד לאלפים לאהבי ולשׁמרי מצותי | |
| 11 | MTלא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא |
| SPלא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא | |
| 12 | MTשׁמור את יום השׁבת לקדשׁו כאשׁר צוך יהוה אלהיך |
| SPשׁמור את יום השׁבת לקדשׁהו כאשׁר צוך יהוה אלהיך | |
| 13 | MTשׁשׁת ימים תעבד ועשׂית כל מלאכתך |
| SPשׁשׁת ימים תעבד ועשׂית כל מלאכתך | |
| 14 | MTויום השׁביעי שׁבת ליהוה אלהיך לא תעשׂה כל מלאכה אתה ובנך ובתך ועבדך ואמתך ושׁורך וחמרך וכל בהמתך וגרך אשׁר בשׁעריך למען ינוח עבדך ואמתך כמוך |
| SPויום השׁביעי שׁבת ליהוה אלהיך לא תעשׂה בו כל מלאכה אתה ובנך ובתך עבדך ואמתך שׁורך וחמורך וכל בהמתך וגרך אשׁר בשׁעריך למען ינוח עבדך ואמתך כמוך | |
| 15 | MTוזכרת כי עבד היית בארץ מצרים ויצאך יהוה אלהיך משׁם ביד חזקה ובזרע נטויה על כן צוך יהוה אלהיך לעשׂות את יום השׁבת |
| SPוזכרת כי עבד היית בארץ מצרים ויוציאך יהוה אלהיך משׁם ביד חזקה ובזרוע נטויה על כן צוך יהוה אלהיך לעשׂות את יום השׁבת | |
| 16 | MTכבד את אביך ואת אמך כאשׁר צוך יהוה אלהיך למען יאריכן ימיך ולמען ייטב לך על האדמה אשׁר יהוה אלהיך נתן לך |
| SPכבד את אביך ואת אמך כאשׁר צוך יהוה אלהיך למען יארכון ימיך ולמען ייטב לך על האדמה אשׁר יהוה אלהיך נתן לך | |
| 17 | MTלא תרצח |
| SPלא תרצח | |
| 18 | MTולא תנאף |
| SPלא תנאף | |
| 19 | MTולא תגנב |
| SPלא תגנב | |
| 20 | MTולא תענה ברעך עד שׁוא |
| SPלא תענה ברעך עד שׁוא | |
| 21 | MTולא תחמד אשׁת רעך ולא תתאוה בית רעך שׂדהו ועבדו ואמתו שׁורו וחמרו וכל אשׁר לרעך |
| SPלא תחמד בית רעך ולא תחמד אשׁת רעך שׂדהו עבדו ואמתו שׁורו וחמרו וכל אשׁר לרעך והיה כי יביאך יהוה אלהיך אל ארץ הכנעני אשׁר אתה בא שׁמה לרשׁתה והקמת לך אבנים גדלות ושׂדת אתם בשׂיד וכתבת על האבנים את כל דברי התורה הזאת והיה בעברכם את הירדן תקימו את האבנים האלה אשׁר אנכי מצוה אתכם היום בהרגריזים ובנית שׁם מזבח ליהוה אלהיך מזבח אבנים לא תניף עליהם ברזל אבנים שׁלמות תבנה את מזבח יהוה אלהיך והעלית עליו עלות ליהוה אלהיך וזבחת שׁלמים ואכלת שׁם ושׂמחת לפני יהוה אלהיך ההר ההוא בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלון מורא מול שׁכם | |
| 22 | MTאת הדברים האלה דבר יהוה אל כל קהלכם בהר מתוך האשׁ הענן והערפל קול גדול ולא יסף ויכתבם על שׁני לחת אבנים ויתנם אלי |
| SPאת הדברים האלה דבר יהוה אל כל קהלכם בהר מתוך האשׁ חשׁך ענן וערפל קול גדול ולא יסף ויכתבם על שׁני לוחת אבנים ויתנם אלי | |
| 23 | MTויהי כשׁמעכם את הקול מתוך החשׁך וההר בער באשׁ ותקרבון אלי כל ראשׁי שׁבטיכם וזקניכם |
| SPויהי כשׁמעכם את הקול מתוך החשׁך וההר בער באשׁ ותקרבון אלי כל ראשׁי שׁבטיכם וזקניכם | |
| 24 | MTותאמרו הן הראנו יהוה אלהינו את כבדו ואת גדלו ואת קלו שׁמענו מתוך האשׁ היום הזה ראינו כי ידבר אלהים את האדם וחי |
| SPותאמרו הן הראנו יהוה אלהינו את כבודו את גדלו ואת קולו שׁמענו מתוך האשׁ היום הזה ראינו כי ידבר אלהים את האדם וחי | |
| 25 | MTועתה למה נמות כי תאכלנו האשׁ הגדלה הזאת אם יספים אנחנו לשׁמע את קול יהוה אלהינו עוד ומתנו |
| SPועתה למה נמות כי תאכלנו האשׁ הגדלה הזאת אם יספים אנחנו לשׁמע את קול יהוה אלהינו עוד ומתנו | |
| 26 | MTכי מי כל בשׂר אשׁר שׁמע קול אלהים חיים מדבר מתוך האשׁ כמנו ויחי |
| SPכי מי כל בשׂר אשׁר שׁמע קול אלהים חיים מדבר מתוך האשׁ כמונו ויחי | |
| 27 | MTקרב אתה ושׁמע את כל אשׁר יאמר יהוה אלהינו ואת תדבר אלינו את כל אשׁר ידבר יהוה אלהינו אליך ושׁמענו ועשׂינו |
| SPקרב אתה ושׁמע את כל אשׁר יאמר יהוה אלהינו ואתה תדבר אלינו את כל אשׁר ידבר יהוה אלהינו אליך ושׁמענו ועשׂינו | |
| 28 | MTוישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך היטיבו כל אשׁר דברו |
| SPוישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך הטיבו כל אשׁר דברו | |
| 29 | MTמי יתן והיה לבבם זה להם ליראה אתי ולשׁמר את כל מצותי כל הימים למען ייטב להם ולבניהם לעלם |
| SPמי יתן והיה לבבם זה להם ליראה אתי ולשׁמר את מצותי כל הימים למען ייטב להם ולבניהם לעולם | |
| 30 | MTלך אמר להם שׁובו לכם לאהליכם |
| SPלך אמר להם שׁובו לכם לאהליכם | |
| 31 | MTואתה פה עמד עמדי ואדברה אליך את כל המצוה והחקים והמשׁפטים אשׁר תלמדם ועשׂו בארץ אשׁר אנכי נתן להם לרשׁתה |
| SPואתה פה עמד עמדי ואדברה אליך את כל המצוה החקים והמשׁפטים אשׁר תלמדם ועשׂו בארץ אשׁר אנכי נתן להם לרשׁתה | |
| 32 | MTושׁמרתם לעשׂות כאשׁר צוה יהוה אלהיכם אתכם לא תסרו ימין ושׂמאל |
| SPושׁמרתם לעשׂות כאשׁר צוה יהוה אלהיכם אתכם לא תסורו ימין ושׂמאל | |
| 33 | MTבכל הדרך אשׁר צוה יהוה אלהיכם אתכם תלכו למען תחיון וטוב לכם והארכתם ימים בארץ אשׁר תירשׁון |
| SPבכל הדרך אשׁר צוה יהוה אלהיכם אתכם תלכון למען תחיון וטוב לכם והארכתם ימים בארץ אשׁר תירשׁון |