| 1 | MTונפן ונעל דרך הבשׁן ויצא עוג מלך הבשׁן לקראתנו הוא וכל עמו למלחמה אדרעי |
| SPונפנה ונעלה דרך הבשׁן ויצא עוג מלך הבשׁן לקראתנו הוא וכל עמו למלחמה אדרעי | |
| 2 | MTויאמר יהוה אלי אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון |
| SPויאמר יהוה אלי אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחון מלך האמרי אשׁר ישׁב בחשׁבון | |
| 3 | MTויתן יהוה אלהינו בידנו גם את עוג מלך הבשׁן ואת כל עמו ונכהו עד בלתי השׁאיר לו שׂריד |
| SPויתן יהוה אלהינו בידנו גם את עוג מלך הבשׁן ואת כל עמו ונכנו עד בלתי השׁאיר לו שׂריד | |
| 4 | MTונלכד את כל עריו בעת ההוא לא היתה קריה אשׁר לא לקחנו מאתם שׁשׁים עיר כל חבל ארגב ממלכת עוג בבשׁן |
| SPונלכדה את כל עריו בעת ההיא לא היתה קריה אשׁר לא לקחנו מאתם שׁשׁים עיר כל חבל הארגב ממלכות עוג בבשׁן | |
| 5 | MTכל אלה ערים בצרות חומה גבהה דלתים ובריח לבד מערי הפרזי הרבה מאד |
| SPכל אלה ערים בצרות חומה גבחה דלתים ובריח לבד מערי הפרזי הרבה מאד | |
| 6 | MTונחרם אותם כאשׁר עשׂינו לסיחן מלך חשׁבון החרם כל עיר מתם הנשׁים והטף |
| SPונחרימה אתם כאשׁר עשׂינו לסיחון מלך חשׁבון החרים כל עיר מתם הנשׁים והטף | |
| 7 | MTוכל הבהמה ושׁלל הערים בזונו לנו |
| SPוכל הבהמה ושׁלל הערים בזזנו לנו | |
| 8 | MTונקח בעת ההוא את הארץ מיד שׁני מלכי האמרי אשׁר בעבר הירדן מנחל ארנן עד הר חרמון |
| SPונקח בעת ההיא את הארץ מיד שׁני מלכי האמרי אשׁר בעבר הירדן מנחל ארנן ועד הר חרמון | |
| 9 | MTצידנים יקראו לחרמון שׂרין והאמרי יקראו לו שׂניר |
| SPצידנים יקראו לחרמון שׂרין והאמרי יקראו לו שׂניר | |
| 10 | MTכל ערי המישׁר וכל הגלעד וכל הבשׁן עד סלכה ואדרעי ערי ממלכת עוג בבשׁן |
| SPכל ערי המישׁור וכל הגלעד וכל הבשׁן עד סלכה ואדרעי ערי ממלכת עוג בבשׁן | |
| 11 | MTכי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ |
| SPכי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלוא היא ברבת בני עמון תשׁע אמות ארכה וארבע אמות רחבה באמת אישׁ | |
| 12 | MTואת הארץ הזאת ירשׁנו בעת ההוא מערער אשׁר על נחל ארנן וחצי הר הגלעד ועריו נתתי לראובני ולגדי |
| SPואת הארץ הזאת ירשׁנו בעת ההיא מערער אשׁר על שׂפת נחל ארנן וחצי הר הגלעד ועריו נתתי לראובני ולגדי | |
| 13 | MTויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים |
| SPויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים | |
| 14 | MTיאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה |
| SPויאיר בן מנשׁה לקח את כל חבל הארגב עד גבול הגישׁורי והמכעתי ויקרא אתם על שׁמו את הבשׁן חות יאיר עד היום הזה | |
| 15 | MTולמכיר נתתי את הגלעד |
| SPולמכיר נתתי את הגלעד | |
| 16 | MTולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון |
| SPולראובני ולגדי נתתי מן הגלעד ועד נחל ארנן תוך הנחל וגבול עד יבק הנחל גבול בני עמון | |
| 17 | MTוהערבה והירדן וגבל מכנרת ועד ים הערבה ים המלח תחת אשׁדת הפסגה מזרחה |
| SPוהערבה והירדנה וגבול מכנרת ועד ים הערבה ים המלח תחת אשׁדות הפסגה מזרחה | |
| 18 | MTואצו אתכם בעת ההוא לאמר יהוה אלהיכם נתן לכם את הארץ הזאת לרשׁתה חלוצים תעברו לפני אחיכם בני ישׂראל כל בני חיל |
| SPואצוה אתכם בעת ההיא לאמר יהוה אלהיכם נתן לכם את הארץ הזאת לרשׁתה חלוצים תעברו לפני אחיכם בני ישׂראל כל בני חיל | |
| 19 | MTרק נשׁיכם וטפכם ומקנכם ידעתי כי מקנה רב לכם ישׁבו בעריכם אשׁר נתתי לכם |
| SPרק טפכם ונשׁיכם ומקניכם ידעתי כי מקנה רב לכם ישׁבו בעריכם אשׁר נתתי לכם | |
| 20 | MTעד אשׁר יניח יהוה לאחיכם ככם וירשׁו גם הם את הארץ אשׁר יהוה אלהיכם נתן להם בעבר הירדן ושׁבתם אישׁ לירשׁתו אשׁר נתתי לכם |
| SPעד אשׁר יניח יהוה לאחיכם ככם ויירשׁו גם הם את הארץ אשׁר יהוה אלהיכם נתן להם בעבר הירדן ושׁבתם אישׁ לירשׁתו אשׁר נתתי לכם | |
| 21 | MTואת יהושׁוע צויתי בעת ההוא לאמר עיניך הראת את כל אשׁר עשׂה יהוה אלהיכם לשׁני המלכים האלה כן יעשׂה יהוה לכל הממלכות אשׁר אתה עבר שׁמה |
| SPואת יהושׁע צויתי בעת ההיא לאמר עיניך הראות את אשׁר עשׂה יהוה לשׁני המלכים האלה כן יעשׂה יהוה לכל הממלכות אשׁר אתה עבר שׁמה | |
| 22 | MTלא תיראום כי יהוה אלהיכם הוא הנלחם לכם |
| SPלא תיראם כי יהוה אלהיכם הוא הנלחם לכם | |
| 23 | MTואתחנן אל יהוה בעת ההוא לאמר |
| SPואתחננה אל יהוה בעת ההיא לאמר | |
| 24 | MTאדני יהוה אתה החלות להראות את עבדך את גדלך ואת ידך החזקה אשׁר מי אל בשׁמים ובארץ אשׁר יעשׂה כמעשׂיך וכגבורתך |
| SPאדני יהוה אתה החלת להראות את עבדך את גדלך ואת ידך החזקה אשׁר מי אל בשׁמים ובארץ אשׁר יעשׂה כמעשׂיך וכגבורתיך | |
| 25 | MTאעברה נא ואראה את הארץ הטובה אשׁר בעבר הירדן ההר הטוב הזה והלבנון |
| SPאעבר נא ואראה את הארץ הטובה אשׁר בעבר הירדן ההר הטוב הזה והלבנון | |
| 26 | MTויתעבר יהוה בי למענכם ולא שׁמע אלי ויאמר יהוה אלי רב לך אל תוסף דבר אלי עוד בדבר הזה |
| SPויתעבר יהוה בי למענכם ולא שׁמע אלי ויאמר יהוה אלי רב לך אל תוסף דבר אלי עוד בדבר הזה | |
| 27 | MTעלה ראשׁ הפסגה ושׂא עיניך ימה וצפנה ותימנה ומזרחה וראה בעיניך כי לא תעבר את הירדן הזה |
| SPעלה אל ראשׁ הפסגה ושׂא עיניך ימה וצפונה ותימנה ומזרחה וראה בעיניך כי לא תעבר את הירדן הזה | |
| 28 | MTוצו את יהושׁע וחזקהו ואמצהו כי הוא יעבר לפני העם הזה והוא ינחיל אותם את הארץ אשׁר תראה |
| SPוצוי את יהושׁע וחזקהו ואמצהו כי הוא יעבר לפני העם הזה והוא ינחל אתם את הארץ אשׁר תראה | |
| 29 | MTונשׁב בגיא מול בית פעור |
| SPונשׁב בגיא מול בית פעור |