| 1 | MTונפן ונסע המדברה דרך ים סוף כאשׁר דבר יהוה אלי ונסב את הר שׂעיר ימים רבים |
| SPונפנה ונסעה המדברה דרך ים סוף כאשׁר דבר יהוה אלי ונסב את הר שׂעיר ימים רבים | |
| 2 | MTויאמר יהוה אלי לאמר |
| SPויאמר יהוה אלי לאמר | |
| 3 | MTרב לכם סב את ההר הזה פנו לכם צפנה |
| SPרב לכם סוב את ההר הזה פנו לכם צפונה | |
| 4 | MTואת העם צו לאמר אתם עברים בגבול אחיכם בני עשׂו הישׁבים בשׂעיר וייראו מכם ונשׁמרתם מאד |
| SPואת העם צוי לאמר אתם עברים בגבול אחיכם בני עשׂו הישׁבים בשׂעיר וייראו מכם ונשׁמרתם מאד | |
| 5 | MTאל תתגרו בם כי לא אתן לכם מארצם עד מדרך כף רגל כי ירשׁה לעשׂו נתתי את הר שׂעיר |
| SPאל תתגרו בם כי לא אתן לכם מארצם ירשׁה עד מדרך כף רגל כי ירשׁה לעשׂו נתתי את הר שׂעיר | |
| 6 | MTאכל תשׁברו מאתם בכסף ואכלתם וגם מים תכרו מאתם בכסף ושׁתיתם |
| SPאכל תשׁברו מאתם בכסף ואכלתם וגם מים תכירו מאתם בכסף ושׁתיתם | |
| 7 | MTכי יהוה אלהיך ברכך בכל מעשׂה ידך ידע לכתך את המדבר הגדל הזה זה ארבעים שׁנה יהוה אלהיך עמך לא חסרת דבר |
| SPכי יהוה אלהיך ברכך בכל מעשׂה ידיך ידע לכתך את המדבר הגדול הזה זה ארבעים שׁנה יהוה אלהיך עמך לא חסרת דבר ואשׁלחה מלאכים אל מלך אדום לאמר אעברה בארצך לא אטה בשׂדה ובכרם ולא נשׁתה מי בור דרך המלך נלך לא נסור ימין ושׂמאל עד אשׁר נעבר גבולך ויאמר לא תעבר בי פן בחרב אצא לקראתך | |
| 8 | MTונעבר מאת אחינו בני עשׂו הישׁבים בשׂעיר מדרך הערבה מאילת ומעצין גבר ונפן ונעבר דרך מדבר מואב |
| SPונעברה מאת אחינו בני עשׂו הישׁבים בשׂעיר מדרך הערבה מאילת ומעציונ גבר ונפנה ונעברה דרך מדבר מואב | |
| 9 | MTויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשׁה כי לבני לוט נתתי את ער ירשׁה |
| SPויאמר יהוה אלי אל תצור את מואב ואל תתגר בו כי לא אתן לך מארצו ירשׁה כי לבני לוט נתתי את ער ירשׁה | |
| 10 | MTהאמים לפנים ישׁבו בה עם גדול ורב ורם כענקים |
| SPהאימים לפנים ישׁבו בה עם גדול ורב ורם כענקים | |
| 11 | MTרפאים יחשׁבו אף הם כענקים והמאבים יקראו להם אמים |
| SPוהמואבים יקראו להם אימים | |
| 12 | MTובשׂעיר ישׁבו החרים לפנים ובני עשׂו יירשׁום וישׁמידום מפניהם וישׁבו תחתם כאשׁר עשׂה ישׂראל לארץ ירשׁתו אשׁר נתן יהוה להם |
| SPובשׂעיר ישׁבו החרי לפנים ובני עשׂו יירשׁום וישׁמדם יהוה מפניהם ויירשׁום וישׁבו תחתיהם כאשׁר עשׂה ישׂראל לארץ ירשׁתו אשׁר נתן יהוה להם | |
| 13 | MTעתה קמו ועברו לכם את נחל זרד ונעבר את נחל זרד |
| SPועתה קומו סעו ועברו לכם את נחל זרד ונעברה את נחל זרד | |
| 14 | MTוהימים אשׁר הלכנו מקדשׁ ברנע עד אשׁר עברנו את נחל זרד שׁלשׁים ושׁמנה שׁנה עד תם כל הדור אנשׁי המלחמה מקרב המחנה כאשׁר נשׁבע יהוה להם |
| SPוהימים אשׁר הלכנו מקדשׁ ברנע עד אשׁר עברנו את נחל זרד שׁלשׁים ושׁמנה שׁנה עד תם כל הדור אנשׁי המלחמה מקרב המחנה כאשׁר נשׁבע יהוה להם | |
| 15 | MTוגם יד יהוה היתה בם להמם מקרב המחנה עד תמם |
| SPוגם יד יהוה היתה בם להמם מקרב המחנה עד תמם | |
| 16 | MTויהי כאשׁר תמו כל אנשׁי המלחמה למות מקרב העם |
| SPויהי כאשׁר תמו כל אנשׁי המלחמה למות מקרב העם | |
| 17 | MTוידבר יהוה אלי לאמר |
| SPויאמר יהוה אלי לאמר | |
| 18 | MTאתה עבר היום את גבול מואב את ער |
| SPאתה עבר היום את גבול מואב את ער | |
| 19 | MTוקרבת מול בני עמון אל תצרם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה |
| SPוקרבת מול בני עמון אל תצורם ואל תתגר בם כי לא אתן מארץ בני עמון לך ירשׁה כי לבני לוט נתתיה ירשׁה | |
| 20 | MTארץ רפאים תחשׁב אף הוא רפאים ישׁבו בה לפנים והעמנים יקראו להם זמזמים |
| SPארץ רפאים תחשׁב אף היא רפאים ישׁבו בה לפנים והעמונים יקראו להם זמזמים | |
| 21 | MTעם גדול ורב ורם כענקים וישׁמידם יהוה מפניהם ויירשׁם וישׁבו תחתם |
| SPעם גדול ורב ורם כענקים וישׁמדם יהוה מפניהם ויירשׁום וישׁבו תחתיהם | |
| 22 | MTכאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁם וישׁבו תחתם עד היום הזה |
| SPכאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁום וישׁבו תחתיהם עד היום הזה | |
| 23 | MTוהעוים הישׁבים בחצרים עד עזה כפתרים היצאים מכפתור השׁמידם וישׁבו תחתם |
| SPוהעוים הישׁבים בחצרים עד עזה כפתרים היוצאים מכפתר השׁמידם וישׁבו תחתם | |
| 24 | MTקומו סעו ועברו את נחל ארנן ראה נתתי בידך את סיחן מלך חשׁבון האמרי ואת ארצו החל רשׁ והתגר בו מלחמה |
| SPקומו סעו ועברו את נחל ארנן ראה נתתי בידך את סיחון מלך חשׁבון האמרי ואת ארצו החל רשׁ והתגר בו מלחמה | |
| 25 | MTהיום הזה אחל תת פחדך ויראתך על פני העמים תחת כל השׁמים אשׁר ישׁמעון שׁמעך ורגזו וחלו מפניך |
| SPהיום הזה החל תת פחדך ויראתך על פני העמים תחת כל השׁמים אשׁר ישׁמעו את שׁמעך ורגזו וחלו מפניך | |
| 26 | MTואשׁלח מלאכים ממדבר קדמות אל סיחון מלך חשׁבון דברי שׁלום לאמר |
| SPואשׁלחה מלאכים ממדבר קדמות אל סיחון מלך חשׁבון דברי שׁלום לאמר | |
| 27 | MTאעברה בארצך בדרך בדרך אלך לא אסור ימין ושׂמאול |
| SPאעברה בארצך בדרך בדרך אלך לא אסור ימין ושׂמאל | |
| 28 | MTאכל בכסף תשׁברני ואכלתי ומים בכסף תתן לי ושׁתיתי רק אעברה ברגלי |
| SPאכל בכסף תשׁבירני ואכלתי ומים בכסף תתן לי ושׁתיתי רק אעברה ברגלי | |
| 29 | MTכאשׁר עשׂו לי בני עשׂו הישׁבים בשׂעיר והמואבים הישׁבים בער עד אשׁר אעבר את הירדן אל הארץ אשׁר יהוה אלהינו נתן לנו |
| SPכאשׁר עשׂו לי בני עשׂו הישׁבים בשׂעיר והמואבים הישׁבים בער עד אשׁר אעברה את הירדן אל הארץ אשׁר יהוה אלהינו נתן לנו | |
| 30 | MTולא אבה סיחן מלך חשׁבון העברנו בו כי הקשׁה יהוה אלהיך את רוחו ואמץ את לבבו למען תתו בידך כיום הזה |
| SPולא אבה סיחון מלך חשׁבון העבירנו בו כי הקשׁה יהוה אלהיך את רוחו ואמץ את לבבו למען תתו בידך כיום הזה | |
| 31 | MTויאמר יהוה אלי ראה החלתי תת לפניך את סיחן ואת ארצו החל רשׁ לרשׁת את ארצו |
| SPויאמר יהוה אלי ראה החלתי תת לפניך את סיחון מלך חשׁבון האמרי ואת ארצו החל רשׁ לרשׁת את ארצו | |
| 32 | MTויצא סיחן לקראתנו הוא וכל עמו למלחמה יהצה |
| SPויצא סיחון לקראתנו הוא וכל עמו למלחמה יחצה | |
| 33 | MTויתנהו יהוה אלהינו לפנינו ונך אתו ואת בנו ואת כל עמו |
| SPויתנהו יהוה אלהינו לפנינו ונכה אתו ואת בניו ואת כל עמו | |
| 34 | MTונלכד את כל עריו בעת ההוא ונחרם את כל עיר מתם והנשׁים והטף לא השׁארנו שׂריד |
| SPונלכדה את כל עריו בעת ההיא ונחרימה את כל עריו מתם הנשׁים והטף לא השׁאירנו שׂריד | |
| 35 | MTרק הבהמה בזזנו לנו ושׁלל הערים אשׁר לכדנו |
| SPרק הבהמה בזזנו לנו ושׁלל הערים אשׁר לכדנו | |
| 36 | MTמערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו |
| SPמערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו בידנו | |
| 37 | MTרק אל ארץ בני עמון לא קרבת כל יד נחל יבק וערי ההר וכל אשׁר צוה יהוה אלהינו |
| SPרק אל ארץ בני עמון לא קרבת כל יד נחל היבק וערי ההר וכל אשׁר צונו יהוה אלהינו |