1שִׁ֥יר מִ֝זְמֹור לִבְנֵי־קֹֽרַח׃
4Q91שיר מז̇[מור לבני קורח ]
2גָּ֘דֹ֤ול יְהוָ֣ה וּמְהֻלָּ֣ל מְאֹ֑ד בְּעִ֥יר אֱ֝לֹהֵ֗ינוּ הַר־קָדְשֹֽׁו׃
4Q91[גדול יהוה ומהולל מאוד בעיר ]אלוה̇ינו̇ [הר קדשו ]
3יְפֵ֥ה נֹוף֮ מְשֹׂ֢ושׂ כָּל־הָ֫אָ֥רֶץ הַר־צִ֭יֹּון יַרְכְּתֵ֣י צָפֹ֑ון קִ֝רְיַ֗ת מֶ֣לֶךְ רָֽב׃
4Q91[יפה נוף משוש כול הארץ הר ציון ירכתי צפון ]ק̇ר̇[י]ת̇ מ̇[לך רב ]
4אֱלֹהִ֥ים בְּאַרְמְנֹותֶ֗יהָ נֹודַ֥ע לְמִשְׂגָּֽב׃
4Q91[אלוהים בארמנותיה נודע למשגב ]
5כִּֽי־הִנֵּ֣ה הַ֭מְּלָכִים נֹֽועֲד֑וּ עָבְר֥וּ יַחְדָּֽו׃
4Q91[כי ]הנ̇ה מלכ̇[ים נועדו עברו יחדו ]
6הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃
4Q91[המה ראו כן תמהו נבהלו נחפזו ]
7רְ֭עָדָה אֲחָזָ֣תַם שָׁ֑ם חִ֝֗יל כַּיֹּולֵֽדָה׃
4Q91רעדה א̇[חזתם שם חיל כיולדה ]
8בְּר֥וּחַ קָדִ֑ים תְּ֝שַׁבֵּ֗ר אֳנִיֹּ֥ות תַּרְשִֽׁישׁ׃
4Q91[ברוח קדים תשבר אניות תרשיש ]
9כַּאֲשֶׁ֤ר שָׁמַ֨עְנוּ׀ כֵּ֤ן רָאִ֗ינוּ בְּעִיר־יְהוָ֣ה צְ֭בָאֹות בְּעִ֣יר אֱלֹהֵ֑ינוּ אֱלֹ֘הִ֤ים יְכֹונְנֶ֖הָ עַד־עֹולָ֣ם סֶֽלָה׃
4Q91כ̇א̇ש̇[ר שמענו כן ראינו בעיר יהוה צבאות בעיר אלוהינו אלוהים ]
10דִּמִּ֣ינוּ אֱלֹהִ֣ים חַסְדֶּ֑ךָ בְּ֝קֶ֗רֶב הֵיכָלֶֽךָ׃
not preserved in any manuscript
11כְּשִׁמְךָ֤ אֱלֹהִ֗ים כֵּ֣ן תְּ֭הִלָּתְךָ עַל־קַצְוֵי־אֶ֑רֶץ צֶ֝֗דֶק מָלְאָ֥ה יְמִינֶֽךָ׃
not preserved in any manuscript
12יִשְׂמַ֤ח׀ הַר־צִיֹּ֗ון תָּ֭גֵלְנָה בְּנֹ֣ות יְהוּדָ֑ה לְ֝מַ֗עַן מִשְׁפָּטֶֽיךָ׃
not preserved in any manuscript
13סֹ֣בּוּ צִ֭יֹּון וְהַקִּיפ֑וּהָ סִ֝פְר֗וּ מִגְדָּלֶֽיהָ׃
not preserved in any manuscript
14שִׁ֤יתוּ לִבְּכֶ֨ם׀ לְֽחֵילָ֗ה פַּסְּג֥וּ אַרְמְנֹותֶ֑יהָ לְמַ֥עַן תְּ֝סַפְּר֗וּ לְדֹ֣ור אַחֲרֹֽון׃
not preserved in any manuscript
15כִּ֤י זֶ֨ה׀ אֱלֹהִ֣ים אֱ֭לֹהֵינוּ עֹולָ֣ם וָעֶ֑ד ה֖וּא יְנַהֲגֵ֣נוּ עַל־מֽוּת׃
not preserved in any manuscript
Reading a scroll line
- [ אבג ]
- Grey, in brackets: letters the editor supplied. Where a lacuna runs
over three words or more, only its first and last word are set; the
words between keep their width but are left blank, so the size of the
gap stays visible.
- א̇
- A dot above the letter: the reading is identified but uncertain.
- °
- A letter surviving only as illegible traces.
- .
- A lost letter inside a lacuna.
Everything else in a manuscript line is extant text. The verse-final
׃ is not printed there, and the scroll lines are
consonantal throughout. Sigla are those of the ETCBC dataset.
Hover over any word, in either text, for its lexeme and morphology; on a
touch screen, tap it. A word underlined with dots carries a qere, and the
card gives the form to be read.