| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTצו את בני ישׂראל ואמרת אלהם את קרבני לחמי לאשׁי ריח ניחחי תשׁמרו להקריב לי במועדו |
| SPצוי את בני ישׂראל ואמרת אליהם את קרבני לחמי לאשׁי ריח ניחחי תשׁמרו להקריב לי במועדיו | |
| 3 | MTואמרת להם זה האשׁה אשׁר תקריבו ליהוה כבשׂים בני שׁנה תמימם שׁנים ליום עלה תמיד |
| SPואמרת להם זה האשׁ אשׁר תקריבו ליהוה כבשׂים בני שׁנה תמימם שׁנים ליום עלת תמיד | |
| 4 | MTאת הכבשׂ אחד תעשׂה בבקר ואת הכבשׂ השׁני תעשׂה בין הערבים |
| SPאת הכבשׂ האחד תעשׂה בבקר ואת הכבשׂ השׁני תעשׂה בין הערבים | |
| 5 | MTועשׂירית האיפה סלת למנחה בלולה בשׁמן כתית רביעת ההין |
| SPועשׂירת האיפה סלת למנחה בלולה בשׁמן רבעית ההין | |
| 6 | MTעלת תמיד העשׂיה בהר סיני לריח ניחח אשׁה ליהוה |
| SPעלת תמיד העשׂויה בהר סיני לריח ניחח אשׁה ליהוה | |
| 7 | MTונסכו רביעת ההין לכבשׂ האחד בקדשׁ הסך נסך שׁכר ליהוה |
| SPונסכו רבעית ההין לכבשׂ האחד בקדשׁ הסך נסך שׁכר ליהוה | |
| 8 | MTואת הכבשׂ השׁני תעשׂה בין הערבים כמנחת הבקר וכנסכו תעשׂה אשׁה ריח ניחח ליהוה |
| SPואת הכבשׂ השׁני תעשׂה בין הערבים כמנחת הבקר וכנסכו תעשׂה אשׁה ריח ניחח ליהוה | |
| 9 | MTוביום השׁבת שׁני כבשׂים בני שׁנה תמימם ושׁני עשׂרנים סלת מנחה בלולה בשׁמן ונסכו |
| SPוביום השׁבת שׁני כבשׂים בני שׁנה תמימם ושׁני עשׂרנים סלת מנחה בלולה בשׁמן ונסכו | |
| 10 | MTעלת שׁבת בשׁבתו על עלת התמיד ונסכה |
| SPעלת שׁבת בשׁבת על עלת התמיד ונסכיהם | |
| 11 | MTובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם |
| SPובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם | |
| 12 | MTושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד |
| SPושׁלשׁה עשׂרנים סלת מנחה בלולה בשׁמן לפר האחד ושׁני עשׂרנים סלת מנחה בלולה בשׁמן לאיל האחד | |
| 13 | MTועשׂרן עשׂרון סלת מנחה בלולה בשׁמן לכבשׂ האחד עלה ריח ניחח אשׁה ליהוה |
| SPועשׂרון עשׂרון סלת מנחה בלולה בשׁמן לכבשׂ האחד עלה ריח ניחח אשׁה ליהוה | |
| 14 | MTונסכיהם חצי ההין יהיה לפר ושׁלישׁת ההין לאיל ורביעת ההין לכבשׂ יין זאת עלת חדשׁ בחדשׁו לחדשׁי השׁנה |
| SPונסכיהם חצי ההין יין לפר האחד ושׁלשׁית ההין לאיל ורביעית ההין לכבשׂ האחד יין זאת עלת החדשׁ בחדשׁו לחדשׁי השׁנה | |
| 15 | MTושׂעיר עזים אחד לחטאת ליהוה על עלת התמיד יעשׂה ונסכו |
| SPושׂעיר עזים אחד לחטאת ליהוה על עלת התמיד יעשׂו ונסכיהם | |
| 16 | MTובחדשׁ הראשׁון בארבעה עשׂר יום לחדשׁ פסח ליהוה |
| SPבחדשׁ הראישׁון בארבעה עשׂר יום לחדשׁ פסח ליהוה | |
| 17 | MTובחמשׁה עשׂר יום לחדשׁ הזה חג שׁבעת ימים מצות יאכל |
| SPובחמשׁה עשׂר יום לחדשׁ הזה חג שׁבעת ימים מצות תאכלו | |
| 18 | MTביום הראשׁון מקרא קדשׁ כל מלאכת עבדה לא תעשׂו |
| SPביום הראישׁון מקרא קדשׁ כל מלאכת עבדה לא תעשׂו | |
| 19 | MTוהקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו לכם |
| SPוהקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו לכם | |
| 20 | MTומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו |
| SPומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו | |
| 21 | MTעשׂרון עשׂרון תעשׂה לכבשׂ האחד לשׁבעת הכבשׂים |
| SPועשׂרון עשׂרון לכבשׂ האחד לשׁבעת הכבשׂים | |
| 22 | MTושׂעיר חטאת אחד לכפר עליכם |
| SPושׂעיר עזים אחד לחטאת לכפר עליכם | |
| 23 | MTמלבד עלת הבקר אשׁר לעלת התמיד תעשׂו את אלה |
| SPמלבד עלת הבקר אשׁר לעלת התמיד תעשׂו את אלה | |
| 24 | MTכאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו |
| SPכאלה ליום תעשׂו שׁבעת הימים לחם אשׁה לריח ניחח ליהוה על עלת התמיד יעשׂו ונסכיהם | |
| 25 | MTוביום השׁביעי מקרא קדשׁ יהיה לכם כל מלאכת עבדה לא תעשׂו |
| SPוביום השׁביעי מקרא קדשׁ יהיה לכם כל מלאכת עבדה לא תעשׂו | |
| 26 | MTוביום הבכורים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו |
| SPביום הבכרים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו | |
| 27 | MTוהקרבתם עולה לריח ניחח ליהוה פרים בני בקר שׁנים איל אחד שׁבעה כבשׂים בני שׁנה |
| SPוהקרבתם עלה אשׁה ריח ניחח ליהוה פרים בני בקר שׁנים ואיל אחד כבשׂים בני שׁנה שׁבעה תמימם יהיו לכם | |
| 28 | MTומנחתם סלת בלולה בשׁמן שׁלשׁה עשׂרנים לפר האחד שׁני עשׂרנים לאיל האחד |
| SPומנחתם סלת בלולה בשׁמן שׁלשׁה עשׂרנים לפר האחד ושׁני עשׂרנים לאיל האחד | |
| 29 | MTעשׂרון עשׂרון לכבשׂ האחד לשׁבעת הכבשׂים |
| SPועשׂרון עשׂרון לכבשׂ האחד לשׁבעת הכבשׂים | |
| 30 | MTשׂעיר עזים אחד לכפר עליכם |
| SPושׂעיר עזים אחד לחטאת לכפר עליכם | |
| 31 | MTמלבד עלת התמיד ומנחתו תעשׂו תמימם יהיו לכם ונסכיהם |
| SPמלבד עלת התמיד ומנחתה תעשׂו תמימם יהיו לכם ונסכיהם |