| 1 | MTבראשׁית ברא אלהים את השׁמים ואת הארץ |
| SPבראשׁית ברא אלהים את השׁמים ואת הארץ | |
| 2 | MTוהארץ היתה תהו ובהו וחשׁך על פני תהום ורוח אלהים מרחפת על פני המים |
| SPוהארץ היתה תהו ובהו וחשׁך על פני תהום ורוח אלהים מרחפת על פני המים | |
| 3 | MTויאמר אלהים יהי אור ויהי אור |
| SPויאמר אלהים יהי אור ויהי אור | |
| 4 | MTוירא אלהים את האור כי טוב ויבדל אלהים בין האור ובין החשׁך |
| SPוירא אלהים את האור כי טוב ויבדל אלהים בין האור ובין החשׁך | |
| 5 | MTויקרא אלהים לאור יום ולחשׁך קרא לילה ויהי ערב ויהי בקר יום אחד |
| SPויקרא אלהים לאור יום ולחשׁך קרא לילה ויהי ערב ויהי בקר יום אחד | |
| 6 | MTויאמר אלהים יהי רקיע בתוך המים ויהי מבדיל בין מים למים |
| SPויאמר אלהים יהי רקיע בתוך המים ויהי מבדיל בין מים למים | |
| 7 | MTויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן |
| SPויעשׂ אלהים את הרקיע ויבדל בין המים אשׁר מתחת לרקיע ובין המים אשׁר מעל לרקיע ויהי כן | |
| 8 | MTויקרא אלהים לרקיע שׁמים ויהי ערב ויהי בקר יום שׁני |
| SPויקרא אלהים לרקיע שׁמים ויהי ערב ויהי בקר יום שׁני | |
| 9 | MTויאמר אלהים יקוו המים מתחת השׁמים אל מקום אחד ותראה היבשׁה ויהי כן |
| SPויאמר אלהים יקוו המים מתחת השׁמים אל מקום אחד ותראה היבשׁה ויהי כן | |
| 10 | MTויקרא אלהים ליבשׁה ארץ ולמקוה המים קרא ימים וירא אלהים כי טוב |
| SPויקרא אלהים ליבשׁה ארץ ולמקוה המים קרא ימים וירא אלהים כי טוב | |
| 11 | MTויאמר אלהים תדשׁא הארץ דשׁא עשׂב מזריע זרע עץ פרי עשׂה פרי למינו אשׁר זרעו בו על הארץ ויהי כן |
| SPויאמר אלהים תדשׁא הארץ דשׁא עשׂב מזריע זרע ועץ פרי עשׂה פרי למינו אשׁר זרעו בו על הארץ ויהי כן | |
| 12 | MTותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב |
| SPותוצא הארץ דשׁא עשׂב מזריע זרע למינהו ועץ עשׂה פרי אשׁר זרעו בו למינהו וירא אלהים כי טוב | |
| 13 | MTויהי ערב ויהי בקר יום שׁלישׁי |
| SPויהי ערב ויהי בקר יום שׁלישׁי | |
| 14 | MTויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים |
| SPויאמר אלהים יהי מאורות ברקיע השׁמים להאיר על הארץ ולהבדיל בין היום ובין הלילה והיו לאתות ולמועדים ולימים ושׁנים | |
| 15 | MTוהיו למאורת ברקיע השׁמים להאיר על הארץ ויהי כן |
| SPוהיו למאורות ברקיע השׁמים להאיר על הארץ ויהי כן | |
| 16 | MTויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים |
| SPויעשׂ אלהים את שׁני המאורות הגדלים את המאור הגדול לממשׁלת היום ואת המאור הקטן לממשׁלת הלילה ואת הכוכבים | |
| 17 | MTויתן אתם אלהים ברקיע השׁמים להאיר על הארץ |
| SPויתן אתם אלהים ברקיע השׁמים להאיר על הארץ | |
| 18 | MTולמשׁל ביום ובלילה ולהבדיל בין האור ובין החשׁך וירא אלהים כי טוב |
| SPולמשׁל ביום ובלילה ולהבדיל בין האור ובין החשׁך וירא אלהים כי טוב | |
| 19 | MTויהי ערב ויהי בקר יום רביעי |
| SPויהי ערב ויהי בקר יום רביעי | |
| 20 | MTויאמר אלהים ישׁרצו המים שׁרץ נפשׁ חיה ועוף יעופף על הארץ על פני רקיע השׁמים |
| SPויאמר אלהים ישׁרצו המים שׁרץ נפשׁ חיה ועוף יעפף על הארץ על פני רקיע השׁמים | |
| 21 | MTויברא אלהים את התנינם הגדלים ואת כל נפשׁ החיה הרמשׂת אשׁר שׁרצו המים למינהם ואת כל עוף כנף למינהו וירא אלהים כי טוב |
| SPויברא אלהים את התנינים הגדלים ואת כל נפשׁ החיה הרמשׂת אשׁר שׁרצו המים למיניהם ואת כל עוף כנף למינהו וירא אלהים כי טוב | |
| 22 | MTויברך אתם אלהים לאמר פרו ורבו ומלאו את המים בימים והעוף ירב בארץ |
| SPויברך אתם אלהים לאמר פרו ורבו ומלאו את המים בימים והעוף ירבה בארץ | |
| 23 | MTויהי ערב ויהי בקר יום חמישׁי |
| SPויהי ערב ויהי בקר יום חמישׁי | |
| 24 | MTויאמר אלהים תוצא הארץ נפשׁ חיה למינה בהמה ורמשׂ וחיתו ארץ למינה ויהי כן |
| SPויאמר אלהים תוצא הארץ נפשׁ חיה למינה בהמה ורמשׂ וחית הארץ למינה ויהי כן | |
| 25 | MTויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב |
| SPויעשׂ אלהים את חית הארץ למינה ואת הבהמה למינה ואת כל רמשׂ האדמה למינהו וירא אלהים כי טוב | |
| 26 | MTויאמר אלהים נעשׂה אדם בצלמנו כדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ |
| SPויאמר אלהים נעשׂה אדם בצלמנו וכדמותנו וירדו בדגת הים ובעוף השׁמים ובבהמה ובכל הארץ ובכל הרמשׂ הרמשׂ על הארץ | |
| 27 | MTויברא אלהים את האדם בצלמו בצלם אלהים ברא אתו זכר ונקבה ברא אתם |
| SPויברא אלהים את האדם בצלמו בצלם אלהים ברא אתו זכר ונקבה ברא אתם | |
| 28 | MTויברך אתם אלהים ויאמר להם אלהים פרו ורבו ומלאו את הארץ וכבשׁה ורדו בדגת הים ובעוף השׁמים ובכל חיה הרמשׂת על הארץ |
| SPויברך אתם אלהים ויאמר להם אלהים פרו ורבו ומלאו את הארץ וכבשׁוה ורדו בדגת הים ובעוף השׁמים ובכל החיה הרמשׂת על הארץ | |
| 29 | MTויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל העץ אשׁר בו פרי עץ זרע זרע לכם יהיה לאכלה |
| SPויאמר אלהים הנה נתתי לכם את כל עשׂב זרע זרע אשׁר על פני כל הארץ ואת כל עץ אשׁר בו פרי עץ זרע זרע לכם יהיה לאכלה | |
| 30 | MTולכל חית הארץ ולכל עוף השׁמים ולכל רומשׂ על הארץ אשׁר בו נפשׁ חיה את כל ירק עשׂב לאכלה ויהי כן |
| SPולכל חית הארץ ולכל עוף השׁמים ולכל הרמשׂ על הארץ אשׁר בו נפשׁ חיה את כל ירק עשׂב לאכלה ויהי כן | |
| 31 | MTוירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי |
| SPוירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי |