1שִׁ֥יר הַשִּׁירִ֖ים אֲשֶׁ֥ר לִשְׁלֹמֹֽה׃
6Q6[שיר ה]ש̇י̇ר̇י̇ם̇ אש[ר לשלמ]ה
2יִשָּׁקֵ֨נִי֙ מִנְּשִׁיקֹ֣ות פִּ֔יהוּ כִּֽי־טֹובִ֥ים דֹּדֶ֖יךָ מִיָּֽיִן׃
6Q6ישקני מנשיקות [פיהו כי טובי]ם̇ דדיך [מיין ]
3לְרֵ֨יחַ֙ שְׁמָנֶ֣יךָ טֹובִ֔ים שֶׁ֖מֶן תּוּרַ֣ק שְׁמֶ֑ךָ עַל־כֵּ֖ן עֲלָמֹ֥ות אֲהֵבֽוּךָ׃
6Q6[לרי]ח שמנים טובים מר̇[קחת מורקה ]שמך על [כן עלמו]ת אהבוך
4מָשְׁכֵ֖נִי אַחֲרֶ֣יךָ נָּר֑וּצָה הֱבִיאַ֨נִי הַמֶּ֜לֶךְ חֲדָרָ֗יו נָגִ֤ילָה וְנִשְׂמְחָה֙ בָּ֔ךְ נַזְכִּ֤ירָה דֹדֶ֨יךָ֙ מִיַּ֔יִן מֵישָׁרִ֖ים אֲהֵבֽוּךָ׃ ס
6Q6משכני [אחריך נרוצ]ה̇ הביא[ני המל]ך חדריו נשמחה [ונגילה בך נזכירה ]דדיך [מיין ]מישרים אהובים
5שְׁחֹורָ֤ה אֲנִי֙ וְֽנָאוָ֔ה בְּנֹ֖ות יְרוּשָׁלִָ֑ם כְּאָהֳלֵ֣י קֵדָ֔ר כִּירִיעֹ֖ות שְׁלֹמֹֽה׃
6Q6[שחורה אני ונ]א̇ו̇ה בנ̇תי ירושלים [כאהלי קדר כיריעות ש]ל̇מ̇[ה ]
6אַל־תִּרְא֨וּנִי֙ שֶׁאֲנִ֣י שְׁחַרְחֹ֔רֶת שֶׁשֱּׁזָפַ֖תְנִי הַשָּׁ֑מֶשׁ בְּנֵ֧י אִמִּ֣י נִֽחֲרוּ־בִ֗י שָׂמֻ֨נִי֙ נֹטֵרָ֣ה אֶת־הַכְּרָמִ֔ים כַּרְמִ֥י שֶׁלִּ֖י לֹ֥א נָטָֽרְתִּי׃
6Q6אל תראוני שאני̇ ש[חר]חר̇ת ש[שזפתני השמש בני אמי נחרו ]ב̇י̇ שמוני נוט̇[רה את הכרמים כרמי שלי ]לא נטר̇תי
7הַגִּ֣ידָה לִּ֗י שֶׁ֤אָהֲבָה֙ נַפְשִׁ֔י אֵיכָ֣ה תִרְעֶ֔ה אֵיכָ֖ה תַּרְבִּ֣יץ בַּֽצָּהֳרָ֑יִם שַׁלָּמָ֤ה אֶֽהְיֶה֙ כְּעֹ֣טְיָ֔ה עַ֖ל עֶדְרֵ֥י חֲבֵרֶֽיךָ׃
6Q6ה[גידה לי שאהבה נפשי איכה תרעה איכה ]ת̇[רביץ בצהרים שלמה אהיה ]כע[טיה על עדרי חבריך . ]
8אִם־לֹ֤א תֵדְעִי֙ לָ֔ךְ הַיָּפָ֖ה בַּנָּשִׁ֑ים צְֽאִי־לָ֞ךְ בְּעִקְבֵ֣י הַצֹּ֗אן וּרְעִי֙ אֶת־גְּדִיֹּתַ֔יִךְ עַ֖ל מִשְׁכְּנֹ֥ות הָרֹעִֽים׃ ס
not preserved in any manuscript
9לְסֻסָתִי֙ בְּרִכְבֵ֣י פַרְעֹ֔ה דִּמִּיתִ֖יךְ רַעְיָתִֽי׃
not preserved in any manuscript
10נָאו֤וּ לְחָיַ֨יִךְ֙ בַּתֹּרִ֔ים צַוָּארֵ֖ךְ בַּחֲרוּזִֽים׃
not preserved in any manuscript
11תֹּורֵ֤י זָהָב֙ נַעֲשֶׂה־לָּ֔ךְ עִ֖ם נְקֻדֹּ֥ות הַכָּֽסֶף׃
not preserved in any manuscript
12עַד־שֶׁ֤הַמֶּ֨לֶךְ֙ בִּמְסִבֹּ֔ו נִרְדִּ֖י נָתַ֥ן רֵיחֹֽו׃
not preserved in any manuscript
13צְרֹ֨ור הַמֹּ֤ר׀ דֹּודִי֙ לִ֔י בֵּ֥ין שָׁדַ֖י יָלִֽין׃
not preserved in any manuscript
14אֶשְׁכֹּ֨ל הַכֹּ֤פֶר׀ דֹּודִי֙ לִ֔י בְּכַרְמֵ֖י עֵ֥ין גֶּֽדִי׃ ס
not preserved in any manuscript
15הִנָּ֤ךְ יָפָה֙ רַעְיָתִ֔י הִנָּ֥ךְ יָפָ֖ה עֵינַ֥יִךְ יֹונִֽים׃
not preserved in any manuscript
16הִנְּךָ֙ יָפֶ֤ה דֹודִי֙ אַ֣ף נָעִ֔ים אַף־עַרְשֵׂ֖נוּ רַעֲנָנָֽה׃
not preserved in any manuscript
17קֹרֹ֤ות בָּתֵּ֨ינוּ֙ אֲרָזִ֔ים רחיטנו בְּרֹותִֽים׃
not preserved in any manuscript
Reading a scroll line
- [ אבג ]
- Grey, in brackets: letters the editor supplied. Where a lacuna runs
over three words or more, only its first and last word are set; the
words between keep their width but are left blank, so the size of the
gap stays visible.
- א̇
- A dot above the letter: the reading is identified but uncertain.
- °
- A letter surviving only as illegible traces.
- .
- A lost letter inside a lacuna.
Everything else in a manuscript line is extant text. The verse-final
׃ is not printed there, and the scroll lines are
consonantal throughout. Sigla are those of the ETCBC dataset.
Hover over any word, in either text, for its lexeme and morphology; on a
touch screen, tap it. A word underlined with dots carries a qere, and the
card gives the form to be read.