1
לְדָוִ֨ד׀ רִיבָ֣ה יְ֭הוָה אֶת־יְרִיבַ֑י לְ֝חַ֗ם אֶת־לֹֽחֲמָֽי׃
4Q83
[לדוד ריבה יהוה את יריבי לחם את לחמי ]
3
וְהָ֘רֵ֤ק חֲנִ֣ית וּ֭סְגֹר לִקְרַ֣את רֹדְפָ֑י אֱמֹ֥ר לְ֝נַפְשִׁ֗י יְֽשֻׁעָתֵ֥ךְ אָֽנִי׃
not preserved in any manuscript
4
יֵבֹ֣שׁוּ וְיִכָּלְמוּ֮ מְבַקְשֵׁ֢י נַ֫פְשִׁ֥י יִסֹּ֣גוּ אָחֹ֣ור וְיַחְפְּר֑וּ חֹ֝שְׁבֵ֗י רָעָתִֽי׃
4Q98
ויחפרו [חשבי רעתי ]
5
יִֽהְי֗וּ כְּמֹ֥ץ לִפְנֵי־ר֑וּחַ וּמַלְאַ֖ךְ יְהוָ֣ה דֹּוחֶֽה׃
4Q98
[יהיו כמץ לפני רוח ומלאך יהוה דוחה ]
6
יְֽהִי־דַרְכָּ֗ם חֹ֥שֶׁךְ וַחֲלַקְלַקֹּ֑ות וּמַלְאַ֥ךְ יְ֝הוָ֗ה רֹדְפָֽם׃
4Q98
[יהי דרכם חשך וחלקלקות ]ומלאך י[הוה רדפם ]
7
כִּֽי־חִנָּ֣ם טָֽמְנוּ־לִ֭י שַׁ֣חַת רִשְׁתָּ֑ם חִ֝נָּ֗ם חָפְר֥וּ לְנַפְשִֽׁי׃
4Q98
[כי חנם טמנו לי שחת רשתם חנם חפרו לנפשי ]
8
תְּבֹואֵ֣הוּ שֹׁואָה֮ לֹֽא־יֵ֫דָ֥ע וְרִשְׁתֹּ֣ו אֲשֶׁר־טָמַ֣ן תִּלְכְּדֹ֑ו בְּ֝שֹׁואָ֗ה יִפָּל־בָּֽהּ׃
4Q98
[תבואהו שואה לוא ידע ורשתו אשר טמן ]תלכדהו ש̇[ואה יפל בה ]
10
כָּ֥ל עַצְמֹותַ֨י׀ תֹּאמַרְנָה֮ יְהוָ֗ה מִ֥י כָ֫מֹ֥וךָ מַצִּ֣יל עָ֭נִי מֵחָזָ֣ק מִמֶּ֑נּוּ וְעָנִ֥י וְ֝אֶבְיֹ֗ון מִגֹּזְלֹֽו׃
4Q98
[כול עצמותי תאמרנה יהוה מי ]כמוך מציל̇ [עני מחזק ממנו ועני ואביון מגזלו ]
11
יְ֭קוּמוּן עֵדֵ֣י חָמָ֑ס אֲשֶׁ֥ר לֹא־יָ֝דַ֗עְתִּי יִשְׁאָלֽוּנִי׃
4Q98
[יקומון עדי חמס אשר לוא ידעתי ישאלוני ]
12
יְשַׁלְּמ֣וּנִי רָ֭עָה תַּ֥חַת טֹובָ֗ה שְׁכֹ֣ול לְנַפְשִֽׁי׃
4Q98
[ישלמוני ]רעה תחת טו[בה שכול לנפשי ]
13
וַאֲנִ֤י׀ בַּחֲלֹותָ֡ם לְב֬וּשִׁי שָׂ֗ק עִנֵּ֣יתִי בַצֹּ֣ום נַפְשִׁ֑י וּ֝תְפִלָּתִ֗י עַל־חֵיקִ֥י תָשֽׁוּב׃
4Q83
[בחלותם לבושי שק עניתי ב]צ̇ום̇ נ̇[פשי ותפלתי על חיקי תשוב ]
4Q98[ואני בחלותם לבושי שק עניתי בצום נפשי ותפלתי על חיקי תשוב ]
14
כְּרֵֽעַ־כְּאָ֣ח לִ֭י הִתְהַלָּ֑כְתִּי כַּאֲבֶל־אֵ֝֗ם קֹדֵ֥ר שַׁחֹֽותִי׃
4Q83
[כרע כאח לי התהלכתי כאבל אם ]קדר שחותי
4Q98כרע כאח לי הת[הלכתי כאבל אם קדר שחותי ]
15
וּבְצַלְעִי֮ שָׂמְח֢וּ וְֽנֶאֱ֫סָ֥פוּ נֶאֶסְפ֬וּ עָלַ֣י נֵ֭כִים וְלֹ֣א יָדַ֑עְתִּי קָֽרְע֥וּ וְלֹא־דָֽמּוּ׃
4Q83
ובצלעי שמחו נא̇ס̇פ̇ו̇ ° [. ולא ידעתי קרעו ולא דמו ]
4Q98[ובצלעי שמחו ונספו ]נספו עלי תכים ו̇[לוא ידעתי קרעו ולוא דמו ]
16
בְּ֭חַנְפֵי לַעֲגֵ֣י מָעֹ֑וג חָרֹ֖ק עָלַ֣י שִׁנֵּֽימֹו׃
4Q83
[בחנפי לעגי ]מעוג חרקו עלי שנים
4Q98[בחנפי לעגי מעוג חרק עלי שנימו ]
17
אֲדֹנָי֮ כַּמָּ֢ה תִּ֫רְאֶ֥ה הָשִׁ֣יבָה נַ֭פְשִׁי מִשֹּׁאֵיהֶ֑ם מִ֝כְּפִירִ֗ים יְחִידָתִֽי׃
4Q83
א̇דו̇ני כמה̇ [תראה השיבה נפשי משאיהם מכפירים יחידתי ]
4Q98[אדני כמה ]תראה השיבה נפ[שי משאיהם מכפירים יחידתי ]
18
אֹ֭ודְךָ בְּקָהָ֣ל רָ֑ב בְּעַ֖ם עָצ֣וּם אֲהַֽלְלֶֽךָּ׃
4Q83
[אודך ]בקה̇ל̇ ר̇ב בעם עצום א[הללכ]ה̇
4Q98[אודך בקהל רב בעם עצום אהללך ]
19
אַֽל־יִשְׂמְחוּ־לִ֣י אֹיְבַ֣י שֶׁ֑קֶר שֹׂנְאַ֥י חִ֝נָּ֗ם יִקְרְצוּ־עָֽיִן׃
4Q83
[אל ישמחו לי איבי שקר שנאי חנם יקרצו עין ]
4Q98[אל ]ישמחו לי איבי ש[קר שנאי חנם יקרצו עין ]
20
כִּ֤י לֹ֥א שָׁלֹ֗ום יְדַ֫בֵּ֥רוּ וְעַ֥ל רִגְעֵי־אֶ֑רֶץ דִּבְרֵ֥י מִ֝רְמֹות יַחֲשֹׁבֽוּן׃
4Q83
[כי לא שלום ידבר]ו̇ ו̇א̇ל ר̇[גע]י̇ ארץ̇ [דברי מרמות יחשבון . ]
4Q98[כי לוא שלום ידברו ועל רגעי ארץ דברי ]מרמות יחשובן [. ]
21
וַיַּרְחִ֥יבוּ עָלַ֗י פִּ֫יהֶ֥ם אָ֭מְרוּ הֶאָ֣ח׀ הֶאָ֑ח רָאֲתָ֥ה עֵינֵֽינוּ׃
not preserved in any manuscript
22
רָאִ֣יתָה יְ֭הוָה אַֽל־תֶּחֱרַ֑שׁ אֲ֝דֹנָ֗י אֲל־תִּרְחַ֥ק מִמֶּֽנִּי׃
not preserved in any manuscript
23
הָעִ֣ירָה וְ֭הָקִיצָה לְמִשְׁפָּטִ֑י אֱלֹהַ֖י וַֽאדֹנָ֣י לְרִיבִֽי׃
not preserved in any manuscript
25
אַל־יֹאמְר֣וּ בְ֭לִבָּם הֶאָ֣ח נַפְשֵׁ֑נוּ אַל־יֹ֝אמְר֗וּ בִּֽלַּעֲנֽוּהוּ׃
not preserved in any manuscript
26
יֵ֘בֹ֤שׁוּ וְיַחְפְּר֨וּ׀ יַחְדָּו֮ שְׂמֵחֵ֢י רָעָ֫תִ֥י יִֽלְבְּשׁוּ־בֹ֥שֶׁת וּכְלִמָּ֑ה הַֽמַּגְדִּילִ֥ים עָלָֽי׃
4Q83
שמ̇חי רע̇ת̇[י ילבשו בשת וכלמה המגדילים עלי ]
27
יָרֹ֣נּוּ וְיִשְׂמְחוּ֮ חֲפֵצֵ֢י צִ֫דְקִ֥י וְיֹאמְר֣וּ תָ֭מִיד יִגְדַּ֣ל יְהוָ֑ה הֶ֝חָפֵ֗ץ שְׁלֹ֣ום עַבְדֹּֽו׃
4Q83
[ירנו וישמחו חפצי צדקי ויאמרו תמיד יגדל יהוה ]ח̇פ̇צי שלו̇ם̇ [עבדו ]
4Q85[חפצי צדקי ויאמרו ת]מ̇יד יגדל י̇ה̇[וה החפץ שלום עבדו ]
28
וּ֭לְשֹׁונִי תֶּהְגֶּ֣ה צִדְקֶ֑ךָ כָּל־הַ֝יֹּום תְּהִלָּתֶֽךָ׃
4Q83
[ולשוני תהגה צדקך כל היום תהלתך ]
4Q85[ולשוני ]ת̇הגה צדק̇[ך כל היום תהלתך ]