1
אַשְׁרֵ֥י תְמִֽימֵי־דָ֑רֶךְ הַֽ֝הֹלְכִ֗ים בְּתֹורַ֥ת יְהוָֽה׃
11Q5
אשרי תמי[מי דרך ה]ה̇ולכים בתורת יהוה
10
בְּכָל־לִבִּ֥י דְרַשְׁתִּ֑יךָ אַל־תַּ֝שְׁגֵּ֗נִי מִמִּצְוֹתֶֽיךָ׃
4Q90
[בכל לב]י̇ ד̇ר̇ש̇ת̇יך̇ [אל תשגני ממצותיך ]
11
בְּ֭לִבִּי צָפַ֣נְתִּי אִמְרָתֶ֑ךָ לְ֝מַ֗עַן לֹ֣א אֶֽחֱטָא־לָֽךְ׃
4Q90
ב̇[ל]ב̇י̇ צפנתי אמר[תך למען לוא אחטא לך ]
15
בְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ׃
4Q90
בפקודיך א̇שיח ואביט̇ [אורחותיך ]
11Q5בפקודיכה אשיחה ואביטה אורחותיכה
16
בְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ׃
1Q10
[ב]ח̇קתך [אשתעשע לוא אשכח דבריך ]
4Q90בחוקותיך אשתעשע ל[וא אשכח דברך ]
11Q5בחוקיכה אשתעשע לוא אשכח דבריכה
17
גְּמֹ֖ל עַֽל־עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ׃
1Q10
[גמו]ל [על עבדך אחיה ואשמרה דבריך ]
4Q90גמור על עבד̇ך ואחיה [ואשמר דברך ]
11Q5גמור על עבדכה ואחיה ואשמורה דבריכה
18
גַּל־עֵינַ֥י וְאַבִּ֑יטָה נִ֝פְלָאֹ֗ות מִתֹּורָתֶֽךָ׃
4Q90
ג̇ל עי̇נ̇י̇ א̇ביט נפלאו̇[ת מתורתך ]
11Q5גל עיני ואביטה נפלאות מתורותיכה
19
גֵּ֣ר אָנֹכִ֣י בָאָ֑רֶץ אַל־תַּסְתֵּ֥ר מִ֝מֶּ֗נִּי מִצְוֹתֶֽיךָ׃
4Q90
גר אנוכי בא[ר]ץ̇ [אל תסתר ממני מצותיך ]
11Q5גר אנוכי בארץ אל תסתר ממני מצוותיכה
20
גָּרְסָ֣ה נַפְשִׁ֣י לְתַאֲבָ֑ה אֶֽל־מִשְׁפָּטֶ֥יךָ בְכָל־עֵֽת׃
4Q90
גרסה נפ̇שי̇ [לתאבה אל משפטיך בכל עת ]
11Q5גרשה נפשי לתאבה אל משפטיכה בכול עת
21
גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֹתֶֽיךָ׃
4Q90
גערת זידים̇ [ארורים השוגים ממצותיך ]
11Q5גערתה זדים ארורים השוגים ממצוותיכה
22
גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי׃
11Q5
גול מעלי חרפה ובוז כי עדוותיכה נצרתי
23
גַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ׃
11Q5
גם ישבו שרים בי נדברו עבדכה ישיח בחוקיכה
27
דֶּֽרֶךְ־פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאֹותֶֽיךָ׃
11Q5
דרך פקודיכה ה̇[בינני ואשיחה בנפ]לאותיכה
31
דָּבַ֥קְתִּי בְעֵֽדְוֹתֶ֑יךָ יְ֝הוָ֗ה אַל־תְּבִישֵֽׁנִי׃
1Q10
[דבקתי בעד]ות̇[י̇]ך̇ [יהוה אל תביש]נ[י ]
33
הֹורֵ֣נִי יְ֭הוָה דֶּ֥רֶךְ חֻקֶּ֗יךָ וְאֶצְּרֶ֥נָּה עֵֽקֶב׃
1Q10
[הורני יה]ו̇ה ד̇[ר]ך חקיך וא[צרנה עקב ]
34
הֲ֭בִינֵנִי וְאֶצְּרָ֥ה תֹֽורָתֶ֗ךָ וְאֶשְׁמְרֶ֥נָּה בְכָל־לֵֽב׃
1Q10
[הבינני ואצרה ]תורתך וא[שמרנה בכל לב ]
37
הַעֲבֵ֣ר עֵ֭ינַי מֵרְאֹ֣ות שָׁ֑וְא בִּדְרָכֶ֥ךָ חַיֵּֽנִי׃
4Q89
העביר עיני מראות שוא בדרכך̇ חיני
11Q5העבר עיני מראות שוא כדברכה חונני
38
הָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ׃
4Q89
הקם לעבדך אמרתך אשר ליראתך
11Q5הקם לעבדכה אמרתכה אשר ליראתכה
39
הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טֹובִֽים׃
4Q89
העבר חרפת̇י אשר יגרתי כי משפטיך ט[ובים ]
11Q5העבר חרפתי אשר יגרתי כי משפטיכה טובים
40
הִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי׃
4Q89
הנה תאבתי לפקדיך בצדקתך חיני̇
11Q5הנה תאבתי לפקודיכה בצדקתכה חונני
41
וִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ׃
4Q89
ויביאני חסדך יהוה תשועתך̇ [כ]אמרתך
11Q5ויבואוני חסד יהוה תשועתכה כאמרתכה
42
וְאֶֽעֱנֶ֣ה חֹרְפִ֣י דָבָ֑ר כִּֽי־בָ֝טַחְתִּי בִּדְבָרֶֽךָ׃
1Q10
[. ]°° [. ]
4Q89ואענה חורפי דבר כי פקודיך נצ̇רתי
11Q5ואענה חורפי דבר כי בטחתי בדברכה
43
וְֽאַל־תַּצֵּ֬ל מִפִּ֣י דְבַר־אֱמֶ֣ת עַד־מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי׃
1Q10
[ואל ]תצל מפי דב̇[ר אמת עד מאד כי למשפטך יחלתי ]
4Q89ואל תצל מפי דבר אמתך עד מאד כ̇י̇ למשפטך̇ יחלתי
11Q5ואל תצל מפי דבר אמת עד מואדה כי לדבריכה יחלתי
44
וְאֶשְׁמְרָ֖ה תֹורָתְךָ֥ תָמִ֗יד לְעֹולָ֥ם וָעֶֽד׃
1Q10
[ו]א̇שמרה תורתך תמיד [לעולם ועד ]
4Q89[ואשמרה ]ת̇ורתיך̇ [תמיד לעולם ועד ]
11Q5ואשמורה תורתכה תמיד ועד
45
וְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי׃
1Q10
[ואתהלכה ברחבה כי ]פקדיך̇ [דרשתי ]
4Q89[ואתהלכה ]ב̇רחבה̇ [כי פקדיך דרשתי ]
11Q5ואתהלכה ברחוביה כי פקודיכה דרשתי
46
וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֹֽושׁ׃
1Q10
ואדב̇[רה בעדתיך ]נגד מלכ̇[ים ולא אבוש ]
4Q89[ואדברה ב]ע̇דת̇י̇[ך נגד מלכים ולא אבוש ]
11Q5ואדברה בעדוותיכ̇ה̇ [נ]ג̇ד מלכים ולוא אבוש
47
וְאֶשְׁתַּֽעֲשַׁ֥ע בְּמִצְוֹתֶ֗יךָ אֲשֶׁ֣ר אָהָֽבְתִּי׃
1Q10
ו̇א̇ש̇ת̇[עשע במצותי]ך אשר א̇[הבתי ]
11Q5ואשתעשעה במ[צוותיכה א]ש̇ר אהבתי
48
וְאֶשָּֽׂא־כַפַּ֗י אֶֽל־מִ֭צְוֹתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ׃
1Q10
[ואשא כפי אל מצותיך אשר ]א̇הבתי ואש[יחה בחקיך ]
11Q5ואשא כפי אל מצוו[תיכה אש]ר אהבתי ואשישה בחוקיכה
49
זְכֹר־דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי׃
4Q89
[זכור דבר לעבדיך על אש]ר̇ יחלתנ[י ]
11Q5זכורה דבריכה ל̇[עבדך על אשר ]יחלתני
50
זֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי׃
4Q89
ז̇[אות נחמתי בעניי כי אמ]ר̇תך חית̇[ני ]
55
זָ֘כַ֤רְתִּי בַלַּ֣יְלָה שִׁמְךָ֣ יְהוָ֑ה וָֽ֝אֶשְׁמְרָ֗ה תֹּורָתֶֽךָ׃
1Q10
[זכרתי בלילה שמ]ך̇ יה̇[וה ואשמרה תורתך ]
59
חִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל־עֵדֹתֶֽיךָ׃
11Q5
חשבתי דרכי ואשיבה רגלי אל עדוותיכה
61
חֶבְלֵ֣י רְשָׁעִ֣ים עִוְּדֻ֑נִי תֹּֽ֝ורָתְךָ֗ לֹ֣א שָׁכָֽחְתִּי׃
11Q5
חבלי רשעים עודוני תורתכה לוא שכחתי
62
חֲצֹֽות־לַ֗יְלָה אָ֭קוּם לְהֹודֹ֣ות לָ֑ךְ עַ֝֗ל מִשְׁפְּטֵ֥י צִדְקֶֽךָ׃
11Q5
חצות לילה אקום להודות לכה על משפטי צדקכה
63
חָבֵ֣ר אָ֭נִי לְכָל־אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ׃
11Q5
חבר אני לכול אשר יראוכה ולשומרי פקודיכה
66
ט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֹתֶ֣יךָ הֶאֱמָֽנְתִּי׃
11Q5
טוב טעם ודעת למדני כי במצוותיכה האמנתי
67
טֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי׃
11Q5
טרם אענה אני שוגג ועתה אמרתכה שמרתי
69
טָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל־לֵ֤ב׀ אֱצֹּ֬ר פִּקּוּדֶֽיךָ׃
11Q5
טפלו עלי שקר זדים אני בכ̇ו̇ל ל[ב ]אצורה פקודיכה
70
טָפַ֣שׁ כַּחֵ֣לֶב לִבָּ֑ם אֲ֝נִ֗י תֹּורָתְךָ֥ שִֽׁעֲשָֽׁעְתִּי׃
11Q5
טפש כחלב לבם אני תורתכ[ה ]ש̇ע̇[ש]ועי
73
יָדֶ֣יךָ עָ֭שׂוּנִי וַֽיְכֹונְנ֑וּנִי הֲ֝בִינֵ֗נִי וְאֶלְמְדָ֥ה מִצְוֹתֶֽיךָ׃
4Q89
[ידיך עשוני ויכוננוני ]הבינני ואלמד̇[ה מצותיך ]
11Q5[ידיכה עשוני ויכוננוני הבינני ואלמדה מצותי]כ̇ה̇
74
יְ֭רֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָרְךָ֣ יִחָֽלְתִּי׃
4Q89
[יראיך יראוני וישמחו ]כ̇י̇ לד̇ב̇[רך יחלתי . ]
75
יָדַ֣עְתִּי יְ֭הוָה כִּי־צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי׃
not preserved in any manuscript
77
יְבֹא֣וּנִי רַחֲמֶ֣יךָ וְאֶֽחְיֶ֑ה כִּי־תֹֽ֝ורָתְךָ֗ שַֽׁעֲשֻׁעָֽי׃
1Q10
[יבאוני רחמיך ואחי]ה̇ כי ת[ורתך ]שעשעי
78
יֵבֹ֣שׁוּ זֵ֭דִים כִּי־שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ׃
1Q10
°° [יבשו זדים כי שקר ע]ותני אני [א]ש̇יח בפקדיך
81
כָּלְתָ֣ה לִתְשׁוּעָתְךָ֣ נַפְשִׁ֑י לִדְבָרְךָ֥ יִחָֽלְתִּי׃
4Q89
[כ]לת̇ה לתשוע̇[תך נפשי לדברך יחלתי ]
82
כָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי׃
4Q89
[כל]ו̇ עיני לא̇מרתך [לאמור מתי תנחמני ]
11Q5כלתה עיני לאמרתכה לאמור מתי תנחמני
83
כִּֽי־הָ֭יִיתִי כְּנֹ֣אד בְּקִיטֹ֑ור חֻ֝קֶּ֗יךָ לֹ֣א שָׁכָֽחְתִּי׃
4Q89
[כי ]ה̇ייתי כנאוד בקי̇[טור חקיך לא שכחתי ]
11Q5כי עשיתני כנאוד בקיטור חסדכה לוא שכחתי
84
כַּמָּ֥ה יְמֵֽי־עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט׃
11Q5
כמה ימי עבדכה מתי תעשה ברודפי משפט
86
כָּל־מִצְוֹתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי׃
11Q5
כול מצוותיכה אמונה שקר רדפוני עוזרני
87
כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא־עָזַ֥בְתִּי פִקֻּודֶֽיךָ׃
11Q5
כמעט כלוני מארץ ואני לוא עזבתי פקודיכה
89
לְעֹולָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם׃
4Q89
[לעולם יהוה דברך נצב בשמי]ם̇
11Q5לעולם יהוה דברכה נצב בשמים
90
לְדֹ֣ר וָ֭דֹר אֱמֽוּנָתֶ֑ךָ כֹּונַ֥נְתָּ אֶ֝֗רֶץ וַֽתַּעֲמֹֽד׃
4Q89
[לדר ודר אמונתך כוננ]ת °° אר̇ץ ות[ע]מ̇ד̇
11Q5לדור ודור אמונתכה כוננתה ארץ ותעמד
91
לְֽ֭מִשְׁפָּטֶיךָ עָמְד֣וּ הַיֹּ֑ום כִּ֖י הַכֹּ֣ל עֲבָדֶֽיךָ׃
4Q89
[למשפטיך עמדו היום כי הכ]ל עבדיך
11Q5למשפטיכה עמדו היום כי הכול עבדי̇כה
92
לוּלֵ֣י תֹ֭ורָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי׃
4Q89
[לולי תורתך שעשעי אז אבד]ת̇י ב̇ע̇נ̇י̇[י ]
11Q5לולי תורתכה שעשועי אז אבדתי בעווני
93
לְ֭עֹולָם לֹא־אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי׃
11Q5
לעולם לוא אשכח פקודיכה כי במה חייתני
95
לִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבֹּונָֽן׃
11Q5
לי קוו רשעים לאבדני עדוותיכה אתבונן
96
לְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד׃
11Q5
לכול תכלה ראיתי קץ רחבה מצותכ[ה ]מואדה
99
מִכָּל־מְלַמְּדַ֥י הִשְׂכַּ֑לְתִּי כִּ֥י עֵ֝דְוֹתֶ֗יךָ שִׂ֣יחָה לִֽֿי׃
5Q5
[. . מכל מלמדי השכלתי כי עדותיך שיחה ל]י̇
101
מִכָּל־אֹ֣רַח רָ֭ע כָּלִ֣אתִי רַגְלָ֑י לְ֝מַ֗עַן אֶשְׁמֹ֥ר דְּבָרֶֽךָ׃
5Q5
[מכל ארח רע כלאתי רגלי למען אשמר ]ד̇ב̇ר̇ך̇
104
מִפִּקּוּדֶ֥יךָ אֶתְבֹּונָ֑ן עַל־כֵּ֝֗ן שָׂנֵ֤אתִי׀ כָּל־אֹ֬רַח שָֽׁקֶר׃
5Q5
[. . מפקודיך אתבונן על כן שנאתי כל ]א̇רח שק̇[ר . ]
106
נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ׃
11Q5
נשבעתי ואקימה לעשות משפט צדקכה
108
נִדְבֹ֣ות פִּ֭י רְצֵה־נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי׃
11Q5
נדבות פי רצה יהוה ממשפטיכה למדני
110
נָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי׃
11Q5
נתנו רשעים פח לי אני פקודיכה לוא תעיתי
111
נָחַ֣לְתִּי עֵדְוֹתֶ֣יךָ לְעֹולָ֑ם כִּֽי־שְׂשֹׂ֖ון לִבִּ֣י הֵֽמָּה׃
11Q5
נחלתי עדוותיכה לעולם כי ששון לבי המה
113
סֵעֲפִ֥ים שָׂנֵ֑אתִי וְֽתֹורָתְךָ֥ אָהָֽבְתִּי׃
5Q5
סעפ̇[ים שנאתי ותורתך אהבתי ]
11Q5סעפים שנאתי תורתכה אהבתי
114
סִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי׃
5Q5
סתר[י ומגני אתה לדברך יחלתי ]
11Q5סתרי ומגני אתה לדבריכה יחלתי
115
סֽוּרוּ־מִמֶּ֥נִּי מְרֵעִ֑ים וְ֝אֶצְּרָ֗ה מִצְוֹ֥ת אֱלֹהָֽי׃
5Q5
ס[ורו ממני מרעים ואצרה . ]°° [. ]
11Q5סורו ממני מרעים ואצורה מצות אלוהי
116
סָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל־תְּ֝בִישֵׁ֗נִי מִשִּׂבְרִֽי׃
5Q5
[סמכני כאמרתך ואחיה ואל ת]ב̇ישנ̇י̇ מ̇ש̇ב̇רי
11Q5סמכני כאמרתכה ואחיה ואל תבישני ממשברי
117
סְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד׃
5Q5
[סעדני ואושעה ואשעה ב]ח̇קיך תמי̇ד̇
11Q5סעדני ואושעה ואשא חוקיכה תמיד
118
סָ֭לִיתָ כָּל־שֹׁוגִ֣ים מֵחֻקֶּ֑יךָ כִּי־שֶׁ֝֗קֶר תַּרְמִיתָֽם׃
5Q5
[סלית כל שוגים ]מ̇חקיך כ̇י̇ ש̇קר̇ תרמ̇י̇תם
11Q5סליתה כול שוגים מחוקיכה כי שקר תרמיתם
119
סִגִ֗ים הִשְׁבַּ֥תָּ כָל־רִשְׁעֵי־אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ׃
5Q5
[סגים השבת כ]ל רשעי א̇ר̇ץ לכן אהב̇תי ע̇[דתי]ך̇
11Q5סיגים חשבתי כול רשעי ארץ על כן אהבתי כול עדוותיכה
120
סָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי׃
5Q5
[סמר מפחדך בשרי ומ]מ̇ש̇פ̇טיך י̇רא[תי ]
11Q5סמר מפחד[כה ]בשרי וממשפטיכה יראתי
128
עַל־כֵּ֤ן׀ כָּל־פִּקּ֣וּדֵי כֹ֣ל יִשָּׁ֑רְתִּי כָּל־אֹ֖רַח שֶׁ֣קֶר שָׂנֵֽאתִי׃
11Q5
על כן פקודי כול ישרתי כול אורח שקר שנאתי
131
פִּֽי־פָ֭עַרְתִּי וָאֶשְׁאָ֑פָה כִּ֖י לְמִצְוֹתֶ֣יךָ יָאָֽבְתִּי׃
11Q5
פי פערתי ואשאפה למצוותיכה תאבתי
132
פְּנֵה־אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ׃
11Q5
פנה אלי וחונני כמשפט לאוהבי שמכה
133
פְּ֭עָמַי הָכֵ֣ן בְּאִמְרָתֶ֑ךָ וְֽאַל־תַּשְׁלֶט־בִּ֥י כָל־אָֽוֶן׃
11Q5
פעמי הכן לאמרתכה ואל תשלט בי כול און
135
פָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת־חֻקֶּֽיךָ׃
11Q5
פניכה האר בעבדכה ולמדני את חוקיכה
136
פַּלְגֵי־מַ֭יִם יָרְד֣וּ עֵינָ֑י עַ֝֗ל לֹא־שָׁמְר֥וּ תֹורָתֶֽךָ׃
11Q5
פלגי מים ירדו עיני על כי לוא שמרו תורתכה
138
צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד׃
5Q5
צ̇ו̇ית [צד]ק̇ [עדתיך ואמונה מאד ]
11Q5צויתה צדק עדוותיכה ואמונה מואדה
139
צִמְּתַ֥תְנִי קִנְאָתִ֑י כִּֽי־שָׁכְח֖וּ דְבָרֶ֣יךָ צָרָֽי׃
5Q5
צמתת̇[ני ]קנאתי כי ש̇כ̇[חו דבריך צרי ]
11Q5צמתתני קנאתי כי שכחו דבריכה צרי
140
צְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ׃
5Q5
צרופה אמרתך מאד ועבד̇[ך אהבה ]
11Q5צרופה אמרתכה מואדה ועבדכה אהבה
141
צָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי׃
5Q5
צעיר̇ א̇[נכ]י̇ ונבזה פקודיך̇ [לא שכחתי ]
11Q5צעיר אנוכי ונבזה פקודיכה לוא שכחתי
142
צִדְקָתְךָ֣ צֶ֣דֶק לְעֹולָ֑ם וְֽתֹורָתְךָ֥ אֱמֶֽת׃
5Q5
[צדקתך צדק ]לע̇[ו]לם̇ ות̇[ורתך אמת ]
11Q5[צדק]ו̇ת [צ]דקות עולם ותורתך אמת
149
קֹ֭ולִי שִׁמְעָ֣ה כְחַסְדֶּ֑ךָ יְ֝הוָ֗ה כְּֽמִשְׁפָּטֶ֥ךָ חַיֵּֽנִי׃
not preserved in any manuscript
153
רְאֵֽה־עָנְיִ֥י וְחַלְּצֵ֑נִי כִּי־תֹֽ֝ורָתְךָ֗ לֹ֣א שָׁכָֽחְתִּי׃
11Q5
ראה עוניי וחלצני תורתכה לוא שכחתי
155
רָחֹ֣וק מֵרְשָׁעִ֣ים יְשׁוּעָ֑ה כִּֽי־חֻ֝קֶּיךָ לֹ֣א דָרָֽשׁוּ׃
11Q5
רחוק מרשעים ישועה כי חוקיכה לוא דרשו
157
רַ֭בִּים רֹדְפַ֣י וְצָרָ֑י מֵ֝עֵדְוֹתֶ֗יךָ לֹ֣א נָטִֽיתִי׃
11Q5
רבים רודפי וצרי מעדוותיכה לוא נטיתי
158
רָאִ֣יתִי בֹ֭גְדִים וָֽאֶתְקֹוטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ׃
11Q5
ראיתי בוגדים ואתקוטטה אשר אמרתכה לוא שמרו
159
רְ֭אֵה כִּי־פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי׃
11Q5
ראה כי פקודיכה אהבתי יהוה כאמרתכה חונני
160
רֹאשׁ־דְּבָרְךָ֥ אֱמֶ֑ת וּ֝לְעֹולָ֗ם כָּל־מִשְׁפַּ֥ט צִדְקֶֽךָ׃
11Q5
רו̇[אש ]דבריכה אמת ולעולם כול משפט צדק
163
שֶׁ֣קֶר שָׂ֭נֵאתִי וַאֲתַעֵ֑בָה תֹּורָתְךָ֥ אָהָֽבְתִּי׃
11Q5
שק̇[ר שנא]תי וא̇ת̇ע̇בה ותורתכה אהבתי
11Q6[שקר שנאתי וא]תעבה [ותורתכה אהבתי ]
164
שֶׁ֣בַע בַּ֭יֹּום הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ׃
11Q5
[שבע ביום אה]ללכה על [מ]ש̇פ̇ט̇י̇ [צדקכה ]
11Q6[שבע ביום אה]ללכה על [משפטי צדקכה ]
165
שָׁלֹ֣ום רָ֭ב לְאֹהֲבֵ֣י תֹורָתֶ֑ךָ וְאֵֽין־לָ֥מֹו מִכְשֹֽׁול׃
11Q6
[שלום רב לאוהבי ]תור[תכ]ה̇ [ואין למו מכשול ]
168
שָׁמַ֣רְתִּי פִ֭קּוּדֶיךָ וְעֵדֹתֶ֑יךָ כִּ֖י כָל־דְּרָכַ֣י נֶגְדֶּֽךָ׃
not preserved in any manuscript
171
תַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ׃
11Q5
תבענה שפתי תהלה לכה כי תלמדני חוקיכה
172
תַּ֣עַן לְ֭שֹׁונִי אִמְרָתֶ֑ךָ כִּ֖י כָל־מִצְוֹתֶ֣יךָ צֶּֽדֶק׃
11Q5
תענה לשוני אמרתכה כי כול מצוותיכה צדק
173
תְּהִֽי־יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי׃
11Q5
תהי ידכה לעוזרני כי פקודיכה בחרתי
174
תָּאַ֣בְתִּי לִֽישׁוּעָתְךָ֣ יְהוָ֑ה וְ֝תֹֽורָתְךָ֗ שַׁעֲשֻׁעָֽי׃
11Q5
תאבתי לישועתכה יהוה תורתכה שעשועי
175
תְּֽחִי־נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי׃
11Q5
תחי נפשי ותהללכה ומשפטיכה יעוזרני
176
תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֹתֶ֗יךָ לֹ֣א שָׁכָֽחְתִּי׃
11Q5
תעיתי כשה אובד בקש עבדכה כי עדוותיכה לוא שכחתי